《我係窮郵差，專門幫陰陽相隔嘅親人送信》（書局上架中）: 83

 
我哋喺度追追逐逐，可能佢長期喺山林裡面生活，體能好過我好多，只係幾分鐘時間，就已經追得上我。
 
 
「你仲想走！」佢一嘢就捉住我個肩，然後我哋兩個人都失去重心咁跌低咗喺地，捲成一團。
 
 
「放過我啦好無？我仲有人要去救呀！」
 
 


佢大概見我不停咁掙扎，就問：「你要救邊個呀？」
 
 
「我個朋友，一個女仔。」
 
 
「如果係女仔⋯⋯我頭先的確見到一個女仔呀。」
 
 
「係邊呀？你知唔知佢哋走咗去邊？」


 
 
佢皺住眉咁思考咗一陣，然後話：「記得⋯⋯」
 
 
「咁你可唔可以帶我去？」
 
 
「簡單啦，哩個山係我地頭嚟。」
 


 
佢二話不說就帶住我行，我心中又突然重燃返希望。