「當然唔係啦,只係鴨街貨。」
 
 
「有眼光呀大叔。」
 
 
「我仲有多幾隻,你要唔要睇下?」
 
 


王胤瀅向我單眼,我順勢就跟人竄咗入去。
 
 
幾經波折,終於嚟到佢門口,一嚟我就禁爆佢個門鐘,當佢唔耐煩咁打開門嘅時候,佢下身圍住浴巾,我一腳就直踢佢身上。
 
 
佢痛到好似C朗咁跪係度,我衝入房,只見畀人綁住手腳、流晒眼淚嘅嘅學生妹,。
 
 
我上前幫佢鬆綁,帶佢出門嗰刻,我同陳教授講:


 
 
「你嘅信件已經寄出,哩腳就係郵票收費⋯⋯」
 
 
「⋯⋯加埋報警。」
 
 
救返學生妹之後,佢都無乜傷害,好彩我哋都趕得切,佢只係有啲受驚,但無乜大礙。
 


 
「下次唔好咁易信人啦。」我用被蓋住佢講。
 
 
學生妹話,教授係用幫佢入大學嘅理由,引佢上嚟,點知一上到嚟就開始綁手綁腳。
 
 
「我以後真係唔敢啦⋯⋯」佢喊住咁喺Madam安慰下走。
 
 
陳教授畀警察押上警車,單係意圖強姦都夠佢坐。
 
 
臨上警車時,我同佢講:「你知唔知,人哋死咗都仲想綁住佢,真係一件好卑劣嘅行為。」