佢終於停手,努力咁回想:「其實⋯⋯你走咗之後,我都好驚,係咁走。有幾次都真係差啲畀佢捉到。不過有次,好似有一把女聲指引我咁。」
 
 
「女聲?」
 
 
「無錯⋯⋯不過都可能係我嘅幻想。」
 
 


王胤瀅嘅說話,又令我好奇起嚟。
 
 
「但究竟點解佢會攻擊我哋?唔係話同人間嘅關係幾好㗎咩?」
 
 
「哩層⋯⋯我哋都未查到係咩事⋯⋯不過今次真係好對唔住,令妳身陷險境。」
 
 
佢望住我,一笑後繼續食麵:「你嚟救返我,我已經好開心。」


 
 
王胤瀅嘅形象,忽然喺我心目中有啲唔同,由迷糊變得清徹咗。