《我係窮郵差，專門幫陰陽相隔嘅親人送信》（書局上架中）: 116

 
我內心突然有一種恐懼，會唔會媽咪同細妹都已經⋯⋯
 
 
如果佢哋嘅名出現喺簿上面，咁即係代表⋯⋯
 
 
我立即上前揭開哩本又大又笨重嘅簿，翻開一頁又一頁，留意住有無佢哋兩個嘅名。
 
 


大叔只係喺一邊默默咁旁觀住，無講啲咩嘢。
 
 
最終我花咗好耐時間先翻完本簿。
 
 
無⋯⋯
 
 
無佢哋嘅名喺入面。


 
 
我鬆咗一口氣同時又有啲失望，咁即係佢哋唔喺度⋯⋯
 
 
我望住大叔，佢眼神話我知，佢應該知道我啲嘢，只係無講出口。
 
 
「你話過當我做咗哩份工之後，你會同我講，究竟我屋企人去咗邊。」
 


 
「我係有講過，不過我無講到係幾時。」
 
 
「唔該你同我講啦，我真係好想知⋯⋯想知佢哋喺邊，我好掛住我嘅屋企人呀。」我扯住佢衣服講。
 
 
「你會自己搵到答案，相信我，咁樣對你係最好。」
 
 
我實在唔明白，有種畀人呃嘅感覺。