《我係窮郵差，專門幫陰陽相隔嘅親人送信》（書局上架中）: 123

 
當行返出馬路時，有一個中年男人喺都喊住咁話：「我好掛住你啊⋯⋯」
 
 
大概四周圍啲人都覺得佢有啲怪，唔知佢係精神病定係咩問題，所以故意行開啲。
 
 
然後，佢突然之間發狂衝出去車來攘往嘅馬路，一架貨車煞掣不及將佢成個人撞飛到幾米之外。
 
 


四周圍嘅人即刻衝上前，嗰個人七孔流血，當場死亡。
 
 
我同王胤瀅都睇到目瞪口呆，竟然就咁有一個人死係我哋嘅面前。
 
 
當返屋企路上，佢神情有啲憂傷咁講：「點解⋯⋯最近好多自殺嘅案件，你覺唔覺得？」
 
 
「覺呀，哩排嘅新聞全部都係哩啲。」


 
 
「好似大家都好唔開心咁樣⋯⋯」
 
 
「其實我都有留意緊。」
 
 
「你知唔知⋯⋯最恐佈係唔少人網上都話，死嘅人都講過發夢見過一個男人⋯⋯佢會幫人。」
 


 
「嗯⋯⋯但幫乜嘢，呢個我就唔知。」
 
 
「咁奇怪⋯⋯」我覺得有啲心寒。
 
 
「好恐怖，希望哩啲事可以盡快停止。」
 
 
「咁我哋⋯⋯之後仲繼唔繼續睇戲？」
 
 
「我畀一日時間你諗。」佢微笑咁話，就上返佢屋企。
 


 
雖然同王胤瀅出街係一件開心嘅時候，但呢一日大家嘅心情都因為嗰個人嘅死，有啲沉重。
 
 
事情唔係好似王胤瀅所希望咁樣發展，越嚟越多人選擇自殺。
 
 
返到郵局，娟姐又同我講起哩個話題。
 
 
「究竟點解會咁多人死㗎⋯⋯」
 
 
哩件事真係好奇怪。
 


 
「娟姐⋯⋯上次咪話問返下面，點解無啦啦會襲擊我哋嘅？有無結果。」