「嗯嗯。」
 
 
「嗰次,你第一次帶咗我哋落嚟。」
「我想同你哋介紹,佢係我女朋友⋯⋯佟蓳萓。」當你捉住一個女仔嘅手,同我哋介紹時,
 
 
媽咪同我,都你眼望我眼,完全唔知發生咩事。
 


 
特別係媽咪。
 
 
「佢⋯⋯佢應該⋯⋯係死咗嘅人嚟啦掛?」媽咪好憂心咁問。
 
 
「唔緊要,我隨時都可以嚟搵佢。」
 
 


「唔係哩個問題呀⋯⋯」媽咪支吾以對,好似唔識解釋。
 
 
「蓳萓係個好女仔呀。」
 
 
「但⋯⋯你哋係兩個世界嘅人嚟,唔係咩?」
 
 
「係⋯⋯但唔會阻止到⋯⋯我哋。」


 
 
「如果我話,我要阻止呢?」
 
 
媽咪講咗哩句,全世界都靜止,包括你,你都唔係好識點去回應。
 
 
媽咪低頭講:「我實在睇唔你哋有咩未來。」
 
 
只係你⋯⋯實在接受唔到哩個事實。
 
 
「如果我話一定要一齊呢?」


 
 
「唔得!」
 
 
「得!」
 
 
「唔得!」
 
 
你最後係憤怒咁離去,剩返我哋⋯⋯