我有D緊張。

因為我第一次去私人補習。

呀哥份工既人工夠養得起我地兩個,但我都唔可以白食白住,所以搵到住私人補習。雖然唔係高人工,$150一堂,但對於我大學生黎講,已經好好。

另一個重點係呢個屋村唔係太遠,我由屋企出發搭15分鐘車已經到。

經過樓下看更阿叔唔係太友善既眼光之後,我終於到左呢個家庭既門口。





「1801...應該係呢度喇。」我望住1801號房既房門。

敲門,門打開。

「姐姐,你好呀。」友善既肥姨姨帶住唔咸唔淡既廣東話。

「你好,我係黎補習架。」我聲音有點擅抖,畢竟都係第一次補習。唔知個小朋友係咩人呢?

「入黎入黎啦。唔洗除鞋啦。」姨姨話。呢個姨姨應該就係同我電話聯絡既果位,王小姐。





呢個家庭屋企唔大,得一房一廳。爸爸媽媽訓房,個仔訓廳。放埋電視電腦梳化,已經無位了。可能仲細過我屋企。

我既補習對像應該係呢個坐左係度既小朋友啦。雖然話係小朋友,但其實都好高大,中二已經同我差唔多高。身型略肥,似係中學入面比人蝦多果種小朋友。

「叫姐姐啦。」王小姐話。

「姐姐。」中二男仔話。同我預期有少少唔同,我仲諗住佢會叫我做Miss。

個男仔好似有D怕醜。佢巨大既身驅帶住少少猥褻(雖然我真係唔想咁話人​),加上佢屋企放滿左D Figure,漫畫,我相信佢都係同我阿哥一樣既毒男。





「哎也,真係辛苦你啦姐姐,之前隔離屋個哥哥幫佢補習既,不過佢讀書忙唔補啦喎。」王小姐話。「老公呀,拎碗湯出黎比姐姐飲呀!」

一直係廚房既爸爸終於走出黎。「湯熱呀,擺下先啦!」

「呀...張生你好。」我真係好唔慣面對陌生人。

「姐姐。」小朋友爸爸,張先生話。

唔知點解,我當下有種唔係幾自然既感覺。



 
已有 0 人追稿