《文科班最後一位男同學》［完］: 三十六

開學爾後，我與阿雯拍拖的消息宛如一陣風，很快便傳遍學校。


畢竟，與校花拍拖是何等重大的事情。


而很正常地，有人會向我投以艷羨的目光，有人會連眼睛亦不願與我對上。


曾經融入過的女生圈子漸化於無形，昔日的好友阿輝也把我當作仇人⋯⋯






「勾二嫂！人渣！我仲以為你會幫我溝佢，點知你出賣我！」


「嗯⋯⋯其實呢⋯⋯」


「得啦，你唔洗同我講！」






與好友決裂也不算甚麼，同班的同學甚至把我冠以「賤男」的名銜。


明明是來來去去的正常事，就被她們認定了我是始亂終棄的人，亦就此把我當作空氣般無視了。


有很多時候，你亦不明瞭為何整個世界都要背棄你。






身敗名裂，慶幸還有阿雯留在我的身邊。


「你唔好唔開心啦。」


「你叫我唔好唔開心，我都唔會立即開心返哂㗎喎，乜你冇幫我解釋咩？」


某天，我與阿雯看完戲後，便去到一間牡丹樓吃頓晚餐。


她喝過一口汽水，就馬上答道：






「我有幫你解釋㗎！明明係你同⋯⋯同佢分咗手先同我一齊嘅，但啲人唔理我都冇計。」


「算啦，其實都唔係好緊要啫。」


望著她拿著薯條，先點一下茄汁，再放進口細嚼，原來那雙眼睛亦正看著我。


她笑著問：「你望住我做咩呀？」


「冇呀，乜你唔驚生暗瘡咩？啲薯條咁油。」






「都係食一次半次啫，唔驚啦。」


「哈哈⋯⋯」


眼前的她，令我勾起對「她」的回憶。首次約會的地方，被「她」所耍，慢慢勾出更多的一點一滴。


我發現，我不應再這樣下去，不應找一個代替品，讓自己更加內疚。


於是我說：「阿雯，不如我哋分手啦。」