每個人，都試過鍾意一個讀VA既女仔: 第五十一章

「你點會搵到我IG架？」不消十來分鐘後，CYNTHIA便於WHATSAPP上問道。
 
「我都係咁啱見到，你話我地係咪好有緣？」我打趣道。
 
未幾，我便看到她答應我追蹤的請求的通知。
 
之後？不是還要我教你們吧！當然是逐張相片仔細地觀看呀。
 
「放飯啦。」肥正一臉活像非洲饑民的樣子，但我今天卻不想跟他們到操場吃飯。
 


我要留在班房裡，慢慢了解cynthia的所有野。
 
「你同加拿大仔食啦，我有野做。」
 
「為咗條女，連飯都唔食？真係人為財死，仔為女亡呀！」儘管我未有跟肥正坦白我辦的事，但他也略知一二。
 
我地實在太熟啦。
 
「走啦，唔好煩住我。」我目光從沒有在他倆身上注視一秒，只停留在電話。
 


一張又一張相片在我眼中掃過，大多都以黑色作為主要色調，正好反映她內心的負面思想。
 
基本上所有照片都是發洩她的日常生活，例如是父母的責罵，對自己的期望落差等等。
 
但最近的，無一不是在說她被人針對，經常性地在她面前有意無意地講述有關愛情的話題。
 
聽得她也覺得煩躁。
 
因為身邊的師友，不是反對cynthia拍拖，他們反對的，是她的拍拖對象。
 


「點解你地剩係識比較？佢表面上有幾好又如何？你地又知唔知佢點對我？」
 
「嘩……原來佢平時有咁多唔開心既野……」
 
而在最近的一張相片，裡頭是一個香薰，下面只打了一句英文。
 
I DON'T KNOW HOW TO BE WITH YOU
 
內心浮現出各種不安感，這句話是衝著我而來嗎？不……麥俊傑你先別對號入座，說不定她是說別的。
 
還有什麼別的？
 
SBA﹗要不然的話……可能是家人吧，她不是和家人的關係不太和諧嗎？可能她只是想發洩一下心頭之恨。
 
電話螢幕感受不到我的指頭，原來是因為我都緊張得冒出汗來。我趕緊拭在校褲上，並打開WHATSAPP。


 
諗咁多做咩？直接問佢咪得囉。
 
「我地……會一齊架呵？」
 
就在信息下方出現一個細小的剔號之後，我便立馬後悔。因為現在的她，很討厭別人在她面前說「愛」這個話題。
 
「你有冇再煩啲呀？」CYNTHIA剛剛的好心情，被我一記問題而瓦解。
 
「我只係……我只係……」我一時無言以對，未能想出一個好藉口。
 
「唔會呀，滿意未呀？」
 
這倒是CYNTHIA頭一次拒絕了我。
 


「我唔係咁既意思呀，對唔住呀煩到你……」現在的我只想把時空帶回到五分鐘之前。
 
「我唔需要一個人成日響我身邊煩住我，我剩係想一個人靜吓，你明唔明呀？」
 
我不太明，因為我整個人的思緒都停在CYNTHIA的上一句。
 
「唔會呀，滿意未呀？」
 
她應該只是因一時之氣而說吧？她可是答應過我，在我聖誕過後便會在一起……她還記得麼？
 
「有乜野值得你睇咁耐呀？」此時，肥正和加拿大仔剛好走回班房﹕「我地食完你都仲睇緊？」
 
「哈……係咩？」我不知該給予什麼反應，只好生硬地陪笑著。
 
「點呀，今次又有咩心事呀？」加拿大仔乾脆坐在雞脾姐的座位上。


 
「你又係話唔想聽我同佢既事咩？」
 
「都係架，咁不如肥正你講吓你最近發生咩事呀。」加拿大仔一招連消帶打，完全地無視我的心情。
 
「佢有啲咩係緊要得過我依家架……」我語音未落，肥正已把話接過﹕「我同KITTY分咗手。」
 
「咩話？」