由嗰日起，我扮成TB媾女: 5

飛機不斷航行，故事嘅轉捩點亦即將發生。

當時我尿癮起，諗住去廁所解決。

喺準備踏出第一步嘅時候，個女仔突然開聲叫住我「等等！」

我呆望住佢。

佢好快手咁除咗自己件外套，包住我下身。





「乜事啊？」我問。

「殊...而家仲未有人見到」

跟住佢喺手袋入面摷咗包嘢出嚟塞畀我。

「你睇吓依隻啱唔啱用，唔啱用嘅話我仲有，不過你而家都係快啲入廁所搞返掂佢先啦」

咩料啊？完全唔知發生緊咩事。





我一頭霧水咁行入廁所，望住手上包嘢，打開個包裝先知道原來係包m巾嚟。

點解佢無啦啦塞包m巾畀我呢？佢個人咁古怪嘅。

但當我望住鏡中嘅自己，再望望屎忽上面嘅一灘血蹟，我終於明白成件事嘅因由...

原來，

條女以為我漏m啊！！！