由嗰日起，我扮成TB媾女: 10

同Macy傾耐咗之後就發現，佢嘅性格同第一印象真係差好遠，初頭以為佢係嗰種生人勿近，串串貢嘅黑面神港女，但事實上佢係好nice好有禮貌，對住啲空姐都唔該前唔該後，而且個人仲要蠢蠢地，幾可愛。

好似頭先咁，個韓國空姐過到嚟送餐，問我地想食咩，咁我就叫咗個白汁，有啲飯有啲雞皇，然後個空姐就問我「do you want some drink?」，但我英文唔好，聽唔明，咁Macy就幫我翻譯，問我要唔要加嘢嚟飲，我唔洗講啦，就要百事，點知佢話百事有可樂，我都唔知佢up咩鳩，跟住我話唔要嘢飲，佢話免費：0）我話唔要，跟住佢話我係咪睇電視，屌佢老味：0）：0）on99:0)。

所以話，佢真係幾蠢嫁。

嚟到依家，我地一路食飯一路吹水，原來佢係浸大生，讀護理，夢想係儲夠錢移民去南美洲嘅女兒國，嗰喥無男人，無JJ，就連動物都淨係得雌性，係人間天堂咁話。咁我就問佢，點解唔索性近近地喺香港出家做尼姑呢，點知佢就話，如果唔洗削髮嘅話都可以考慮吓，我心諗，你都on9嘅...