如是者,過多兩日Kathy就返翻學,再一次出現係大家既眼前。

大家見到佢返黎都好開心,特別係阿希,我同黑仔見到佢咁都忍唔住笑。

可惜既係開心既時刻過得好快,Kathy同大家講咗自己要轉校既事,所有人都好愕然。

阿希既反應好似一瞬間由天堂跌咗地獄咁,我都不禁為佢留咗兩滴眼淚。

呢個消息好快傳到成個Form 5都知,就算係上緊選修科個陣,大家都係圍繞住呢件事黎討論。





好快就到lunch time之前個堂Geog,係時候諗下食乜,今日想食…

阿希:「喂阿明,一陣一齊食,我要找數! 」

阿希講到好激動,差在未拍檯,完全唔知因乜事咁激動。 

我:「哦…好~你肯請我肯食。 」

就係咁,我既lunch有著落喇,有人請真好。





之後我地幾個落咗堂就一齊走,放低D書就一齊出去。

就去到校門既時候,咁岩見到Sarah佢地,佢地全部都係哂度,唔通係等緊我?係就大鑊啦。

我即刻加快腳步走埋去同佢講今日我同唔到佢食lunch,要同阿希佢地食。

Anna:「我地都唔係等緊你,我地等既人係Kathy呀傻仔明,佢約咗我地食飯。」

我:「約咗Kathy…?但係Kathy會同我地一齊食喎…」





聽到我咁講佢地幾個頭頂都好多問號,我地全部人都望過去Kathy個邊。

Kathy:「eh…我有同阿希佢講架…佢話無乜所謂,叫埋Sarah你地一齊去都無乜所謂…我黎唔切同你地講唔好意思呀…」

Ellen:「哦~唔緊要啦多D人一齊食咪仲開心~黎啦我地快D去食飯囉。」

係Ellen既領導下,我地都無再係學校門口糾纏,真係開始去搵野食。

考慮到人數同阿希個荷包,我地好快就決定咗去食大牌檔。

係行去大牌檔既途中,Sarah故意放慢腳步走黎我身邊,細細聲同我講野。

Sarah:「你朋友咩事呀?點解神情咁恐怖既?」

我:「我都唔知呀,佢好似話自己鐘意Kathy,我估可能聽到Kathy要轉校所以唔多高興掛?」





Sarah:「吓…洗唔洗呀…?佢一陣會唔會做D咩架你要睇住佢呀…」

我:「我估佢唔會既,佢都唔係d咁既人,我好清楚,放心喇。」

我估佢唔會喇。

之後,我地就係大牌檔坐低,好快咁叫咗野食,野食過咗無耐就送到我地面前,在座肚餓既各位見到D野食雙眼好似識發光咁。

就係我地想開餐既時候,阿希突然企咗起身。

喂你唔係真係打算…!?咪呀你!阿希:「我地為Kathy乾杯,祝佢一路順風! 」

吓?





佢咁樣反而更加嚇我一跳,完全無諗過佢會咁搞。

大家反應都同我差唔多,個個都o哂嘴望住阿希,黑仔甚至揸住隻有塊豬扒既匙羹望住阿希。

如果而家我地係動漫既世界入面的話,我估應該會聽到烏鴉叫聲。

為咗打破呢份尷尬,我決定出手,第一個企起身和應阿希。

其他人見到我咁都跟住一齊和應,向Kathy乾杯,而Kathy亦起身向我地致謝。

乾杯過後,大家終於開始食飯,仲一邊食一邊傾計。

黑仔:「嘩嚇死我仲以為你頭先想做乜,無啦啦企起身想嚇死人咩你。」

阿希:「吓,仲可以做乜,Kathy話要轉校,我地咪同佢farewell囉。」





我:「我仲以為你係想同Kathy表…咳咳! 」

說話又唔需要講到咁白既,大家明大家想講乜咪得囉係咪先。

阿希:「哦~~係喎點解我唔咁做呢?算喇都係,反正Kathy都應該有鐘意既人。」

Kathy有鐘意既人!?我地學校既??邊個呀??我無聽講過既?

我望望坐係我左邊既Sarah,見佢對我搖搖頭,我再望我右手邊既Ellie,佢同樣都係話唔知。

Ellen:「吓Kathy有鐘意既人??邊個呀?唔會又係阿明掛??? 」

Anna:「佢就想呀,我估應該係阿惠啦。」





其實我唔想囉好無。  

阿希:「阿惠?係咪之前有黎過學校同陸運會個個男仔?」

Ellen:「係呀就係佢,佢係我地以前既同學。」

阿希:「咁係佢喇,我見Kathy見親佢都好開心,我諗Kathy應該係鐘意佢?」

哦…原來係指阿惠,咁我反而唔意外喇。

我望過去Kathy個邊,見到佢好尷尬咁飲佢杯華田我就知阿希講中咗。

Sarah:「唉呀你地,搞到Kathy幾尷尬,感情事都係俾返D私隱人地啦~不如講返呢餐飯啦,點解你要請阿明佢地既?」

Sarah呢個救場救得好好,成功將話題帶去另一度。

阿希:「哦,因為之前陸運會佢地幫我贏到學會接力,我應承過佢地會請佢地食飯當慶祝。」

Sarah:「哦~~~你真係有口齒,唔似D人應承咗人野遲遲都唔兌現。」

唔,話緊我?做乜個個都望住我既? 

啊,我知喇,我終於知道Sarah佢lunch個陣講乜啦。

都差唔多係時候安排下…不過而家我仲可以俾咩驚喜佢地呢?

雖然唔算咩驚喜,但我都係想帶佢地去。

大家姐:「阿明?你匿埋係房做乜岈?唔落去陪Sarah佢地食蛋糕?再唔去就俾佢地食哂架喇~ 」

聽到大家姐把聲我先發現原來佢入咗黎,佢仲拎住件蛋糕一邊食一邊講,食到成嘴都係cream。

我:「啊…由佢地啦,我唔食都無所謂。」

大家姐:「好好味架喎,我整架喎,真係唔食?? 」

佢聽到我話唔食之後就即刻走埋黎我身邊,仲哄到塊臉好埋,佢嘴上D cream差D hi到我塊臉度。

我仲可以feel到佢d抖氣,哇真係扯扯地。

我:「好喇好喇,我search埋小小野就會落去食架啦,大家姐你落返去先喇。」

意思其實係想叫佢行開d,佢再哄到咁埋我怕巨龍哥會突破天際呀。

大家姐:「咁咪乖囉,我既好~細~佬~ 黎!等大家姐獎勵下你!  」

喂!!唔好呀!! 

佢係就係行開咗,問題係佢係行去我後邊,從後攬住我。

佢仲係咁用佢塊臉hi我塊臉,好彩既係佢對波比我張櫈背擋住,佢先唔可以請我食波餅,算係不幸中既大幸。

不過就算無食到波餅,巨龍哥都已經好興奮,係咪因為我太耐無打J所以佢咁敏感?

我:「大家姐…唔好咁喇…你咁箍住我好辛苦呀…」

大家姐:「係呀?唔好啦俾我攬多陣啦,大家姐最近好孤單好寂寞啊,俾D溫暖我喇~ 」

佢話寂寞…因為二家姐去咗旅行?

不過既然一位美女講到咁,身為紳士既我又點好意思拒絕呢,所以我就由得大家姐咁樣攬住我,自己繼續search定d巴士路線個d。

大家姐:「話時話,阿明你search呢D野做乜?你好鐘意巴士架?你係個D巴膠? 」

居然會係大家姐口中聽到「巴膠」呢個字…

我:「唔係…星期六我有地方想帶Sarah佢地去,所以而家咪做定功課睇下有乜車可以去到囉。」

大家姐:「哦唔洗咁麻煩啦傻豬,安排車到時載你地去咪得囉~ 」

我:「我唔想咁呀,自己搵方法去都係拍拖既樂趣黎,好似旅行團咁下下有車車到去門口就無意喇。」

大家姐:「哦~~阿明你真係有諗法,你打算帶佢地去邊? 」

我:「我想帶佢地去睇以前既我。」

大家姐:「以前既你? 」

我:「嗯想俾佢地睇下未遇到佢地既我係生活係咩環境,其實咁會唔會好悶呀?我怕會悶親佢地。 」

大家姐:「唔會呀,一D都唔會,仲覺得阿明你好浪漫添~~ 」

「大家姐我都想有個好似阿明你咁既男朋友啊~ 」



我:「大家姐點解仲唔去識返個男朋友既?明明你又靚,身材又好,應該大把人追先係,之前個肥仔… 」

大家姐:「唔~~暫時都未想拍拖,等一切都安定D先再作考慮啦。 」

我:「安定?你指…」

大家姐:「唔好搵住啦,再唔行既話D蛋糕真係會無哂架,行啦! 」

大家姐終於肯放開我,但係變成拉我走,拉我落飯廳。

落到去見到佢地五個都圍住張餐檯坐,而中間就有一件蛋糕。

我:「你地…專登留返俾我?」

Ellen:「係呀,你快D食咗佢啦,我就快忍唔住食埋佢架啦! 」

我:「哦…好。 」

我係佢地幾個面前食呢件蛋糕真係壓力山大,因為佢地五個都牛咁眼望住我食,分明就係佢地自己都想食,但又留咗俾我食。

不過,件蛋糕真係好好食,不愧係大家姐手勢。

食完啦,係時候講正經野。

我:「星期六,我地去街啦。 」