一個遇上女神，再忘記她的故事: Chapter 20

考試過後，便是Sem Break的時間，由於連續有十多日假期，有好多女同學希望和我約會。熊仔對我說，由於我懂得彈結他很有才華，加上118事件後令我名聲大噪，有部份女同學已把我鎖定為目標。
 
我對此亦不以然，反正我最愛的CaRmen不會再回來，做甚麼也無所謂吧。
 
於是我在只要容許的情況下，盡力應付那些女生的要求，反正各取所需，女生要的是追求我的機會，而我要的，是排解寂寞的藥方。
 
我對於那些女生的大獻殷勤，沒有甚麼抗拒，反正抗拒別人會讓她們受苦，就如同當時的我一樣，倒不如順其自然算了。
 
然而再多女同學約會，我亦不忘眾兄弟在尖沙咀有骨氣的聚會。
 




「喊出黎!咁耐冇見，Henry仔多左男人味。兄弟，點睇，講下! 」甫一坐下達哥便說。
 
「係呀!Henry哥型左咁多，而家好多人追架。」熊仔在一旁吶喊助威。
 
「喂喂喂!正喎!有冇啲筍盤先? 」阿偉立即問道。
 
「有呀!我地系個高材生Tracy囉! 」熊仔回答。
 
「Tracy?唔好玩啦!我地真係朋友黎乍。」我立即慌張的說，因為以我的認知，Tracy是絕對對我沒有意思。
 




「冷靜!各位兄弟冷靜!Henry仔，達哥同你作主，你將Tracy平時一齊發生既事，講比達哥聽下，你點睇。」達哥說。
 
為表清白，我毫無保留地把我和Tracy之間日常後生的事情、經過、反應詳細向他們說明。
 
「兄弟!佢唔係鍾意你，佢係愛上你!」達可陰沉地說。
 
「喊出黎!佢點會愛上我呀?」我立即驚訝的道。
 
「喂唔係喎Henry哥，真架喎!第一，我未聽過一個朋友會每朝打電話叫你起身番學；第二，Marketing人出名虛偽，自己有好野都收收埋埋，但佢可以無條件將啲Notes比你抄之餘仲教埋你點分析啲Case Study；第三，男仔同女仔一齊食飯，女既次次攞埋位等你，仲要一早幫你洗好晒啲餐具；第四，佢仲照顧埋你喺宿舍啲家務，連你用晒廁紙都幫你買埋。阿Henry哥，你諗下，佢係咪真係唔愛你先，係你講聲，我溝左佢! 」熊仔幫我分析道。
 




「咪玩啦!第一，軒仔同我同房，佢知我上早堂都會叫我起身；第二，我轉科嗰陣你都通過好多水比我；第三，朋友食飯唔係我你就你等我架啦，今日呢餐都係我等你架；仲有，第四，佢成日上我Hall同我一齊溫書知我冇廁紙好正常啫。」我立時反駁。
 
「呀Henry哥，你頭先講嗰啲如果係男人之間做就冇問題，但個問題係佢係女呀! 」軒仔立時說。
 
「下!咁又點呀?咪又係朋友? 」我問道。
 
「但係而家佢唔當你係朋友呢。以我達哥運籌唯握既智謀去推論，Tracy呢個女仔十一個字講晒。」達哥陰沉的說。
 
「邊十一個字呀? 」我們四人齊聲問。
 
「粉紅色的乳頭，可遇不可求! 」
 
飯局過後，我將他們的對話重新思考一遍，我當然知道那些明顯想認識我的女同學是想跟我交往，雖然談不上喜歡我，但也視我為其中一個目標。因為她們實在做得太明顯，明明之前話也說不多過十句，明明就是一個點頭之交，卻突然態度異常親溺，我想任誰也感覺得到吧…
 
真可笑，以往只有我追人，我從來沒有想過有別人追求我的一天，我想大概是老天爺看著我二十年單身的生活實在是慘不忍睹，唯有把以往我努力爭取而落空的姻緣一次過歸還給我，又或者是我大難不死，必有後福。118事件後我仍生活如舊，便給我一點運氣。




 
至於Tracy，我壓根兒沒有想過她是喜歡我，因為她一直以朋友的身份在我的生活圈存在，沒錯，我對她就像對軒仔一樣，先別說甚麼友達以上，我們是一對好朋友，而且只是一對好朋友。
 
我的人生朋友著實不多，難得Tracy肯幫我，我當然當她是我的好朋友，而且亦是僅次阿偉軒仔達哥的人，她進入了我的朋友圈，我便願意讓她進入我生命的一部份。我交朋友憑感覺，跟她的頻率接近，便和她成為朋友而已。甚麼叫我起床，買廁紙的東西，好朋友也會幫對方做吧，看來他們的猜測亦屬多餘。
 
而Tracy亦有在Sem Break約我外出，朋友邀約，我當然赴會，我沒有把她當成其他女同學。坦白而自私的說，其他女生只是我排解寂寞的工具，而Tracy，則是一個我值得用時間維繫的朋友。