一個遇上女神，再忘記她的故事: Chapter 34

我遵循達哥的教誨，暫時離開Tracy，我不想再刺激她，不想連日後轉彎的餘地也被埋沒。在整個分手過程中，我想哭，我很想哭，但我卻哭不出來。和CaRmen的經歷不同，我為CaRmen哭，是因為我已經對我們的關係心灰意冷，再沒任何希望，因此只有哭才可以排洩出我壓抑已久的情緒。
 
而這次分手，我真的哭不出來，因為只要我哭，便代表我對我和Tracy的未來投下不信任票，理性仍然告訴自己應該等待，應該對未來抱有希望。哭，我便輸了…
 
如果那人真的值得等待，那，又何妨去等待?
 
跟Tracy一起的一年多，她就像上天送給我的一份禮物，讓我可以從以往自己把自己送進的泥沼中拯救過來。感情路上，很少人可以全心全意為取悅對方而犠牲一切，因為在感情上，給對方的愛和佔有慾是互相抗衡的力場，我們會為著對方愉悅而遷就他們，但同時又會為想更多地佔有對方的心而為對方帶來壓迫感。太愛對方，會苦了自己，太想佔有，又苦了對方。
 
然而Tracy把自己的苦處拋諸腦後，完完全全為著愛我而和我在一起，默默承受著我對她的種種不公平。記得她時常對我說「你快樂，所以我快樂。」，口講容易，但真正做到的又有多少?但Tracy完完全全做到了，為了她，難道我不可以忍受一下我對她的思念，而默默去等待我跟她的下一個機會嗎?
 




然而，有些事情不到我去等待，因為我要還自己一個公道。
 
「CaRmen。」今次是我近來主動致電給她。
 
「點呀Henry。」電話的另一端傳來CaRmen的聲音。
 
「因為你，我同Tracy散左。」
 
「我邊有整散你地呀?」
 




「如果唔係你去我Hall，又喺我上庭嗰陣出現，你估我會散咩?唔係你搞散我地仲有邊個呀?」
 
「Henry，咁我同Tracy講既係咪事實?又係咪你親口同我講上庭既時間?」
 
「係，但我冇諗過你會咁樣做，如果我知，我一早唔會理你。」我語帶憤怒的說。
 
「Henry，其實你係咪仲未放低我?」CaRmen突如其來的問題令我有點不知所措。
 
「咪玩!你已經有男朋友架喇。」我立即守住自己的底線。
 




「係又點?你同我講過，就算我有男朋友都仍然會咁愛我，唔係咩?我而家想知，你仲係咪咁諗。」
 
「重要咩?就算係抑或唔係，你都唔會揀我做你男朋友架啦。」
 
「既然唔重要，點解你唔答我呢個無關痛癢既問題?」
 
「OK!我唔否認，但我亦唔想承認，咁得未?」
 
「我明白，Henry，其實我真係好妒忌Tracy，因為你一直好愛我，將我放喺第一位，但佢竟然無端端出現，搶走左你對我既愛，我真係好唔開心。」
 
「所以你就要拆散我地?」
 
「我根本冇諗住拆散你地，我只係想喺佢面前示威乍嘛，點知搞到而家咁，我都好後悔，好對唔住…」