一個遇上女神，再忘記她的故事: Chapter 65

飯局過後的一天，又是工作的新開始，一直忙著忙著，甚至連今日傍晚有一個Interview要主持仍未察覺。
 
「Henry，提提你五分鐘後有個Second Interview，係請Marketing Executive既，呢份係佢既CV。」我的秘書，Jenny叩門後對我說。
 
「OK，佢黎左就直接喺我房interview，唔該晒。」我回答。
 
想不到，五分鐘後出現的人，正是CaRmen...
 
「你好嗎?」我生硬的說一句，對上一次說你好嗎…已是五年前了吧…
 




「你好呀，Henry，原來你已經升到咁高級。」CaRmen這時笑面迎人的說著。
 
「嗯，坐吖。」我看看CaRmen的CV，在分開後的五年間，轉過七份工。保險Agent、Marketing、Admin、Account Servicing等工作，全都做不過一年，已經年屆三十，Expected Salary是一萬三千大元，叫我這個Director如何聘請她?
 
「CaRmen，先唔講我同你之間既關係，但係見到你份CV，公事上我真係請你唔落，你...仲有咩問題?」說真的，不是因為她曾經傷害過我，而是在公事上，我沒有理由要務一個這麼大的風險去請一個離職機會如此大的人!
 
「如果唔講公事...不如我地講下私事。」CaRmen對我的回答帶點驚訝，然後隨即回復笑容回答我。
 
「你想點樣?」我擺一擺手問。
 




「你唔請我唔緊要，不過你都就黎放工，不如我地去飲杯野吖?當係聚下舊。」
 
我不知道CaRmen的意圖，但我倒想看看她葫蘆裡賣甚麼藥，CaRmen這個人，為何不只一次在我生命中出現?既然今日偶然出現在我面前，我應該為我們之間的一切來個了段。
 
「好吖，你去行陣街先，陣間六點半灣仔The Wanch見面。」
 
我完成手頭上的工作，早了五分鐘來到灣仔The Wanch...如果上天有意今次讓我重遇CaRmen，我知道它的目的在於要我告訴她，我現在生活很好，這個女神...不...這個女人休想再影響我的生活，所以我決定在言談之間套取她的近況，同時交換我的近況。
 
我沒有興趣讓她因為沒有選擇我而後悔，這種報復心態只有CaRmen這些自我中心強大的人才會有。我只想讓她知道，沒有CaRmen，李智傑依然可以活得很好，甚至活得更好...
 




「嘩頂吖，爭啲遲到…」CaRmen來了之後，便逕自走到我的桌子坐下。
 
「Henry，我地都五年冇見喇可?」CaRmen首先開腔。
 
「係呀，都五年喇，你最近生活好嘛?」我問道。
 
「冇呀，都係咁啦，我冇住上環喇，喺屯門兆康苑租左個單位。」
 
「而家啲租好甘喎!」
 
「係呀，個個月都要比七千蚊租，而家又冇野做，都幾慘架，所以想快啲搵到工。你呢?仲係住友愛?」
 
「唔係呀，我買左卓爾居住。」
 
「好吖，話晒都新地樓，估唔到而家樓價咁貴你都上到車。」




 
「我早兩年買落架，諗住用黎娶老婆。而家你地啲香港女仔咁矜貴，冇層樓都唔會考慮我呢廷人啦。」我語帶自嘲的說。
 
「哈哈，都唔係個個女人係咁既。」
 
「係呢，你男朋友Franky點呀?」