《病港》: １９１

見瑜小六專心讀著我送予的參考書籍，我便在幽暗的圖書館中默默離去。


相比起艾寶琳倖存區，大本營地方很少，所以朋友間碰面的機率都好高，我跟大舊就是一個例子。


一踏出圖書館的玻璃門後，便遇到大舊向我打招呼：「M！？」


「你啱啱喺入面觀星啊？哈哈哈哈，好啊！啲星係幾靚嘅，好多學生都會去。」大舊完全不容許我發言的機會：「哈哈哈哈哈！！話說我哋都好耐無好好咁傾過計。」






「我喺入面遇到小六，佢問我寫論文嘅嘢。」我見有點時間就配大舊消磨一下，增長一些大本營近況也好：「大本營幾時出咗呢啲‧‧‧‧‧‧病學嘅論文同學位？」


「人類對未知嘅敵人永遠係畏懼！只要慢慢探究清楚，自然有面對嘅勇氣。」大舊單手舉起拳頭、握緊：「你知道嘛，小六原本佢好傷心。」


「傷心‧‧‧？」






大舊說起這件事，聲音也不免有些低寂：「‧‧‧大概幾個前？佢仲係全女子搜索隊其中一員嗰陣，作為優秀嘅成員之一，江子千隊長好重用佢，仲俾咗副隊長依個位小六做。」


「我冇聽過佢講，之後？」我說。


「之後喺一次區外巡邏任務入面，佢哋誤打誤撞‧‧‧‧‧‧」大舊神情嚴峻，說：「入咗「死亡之路」嘅區域。」

「‧‧‧」即是，由將軍澳通往寶琳的那段路。


「無錯，小六佢作為菁英部隊嘅副隊長，呢個區外巡邏任務佢帶住另外三個女隊員出去執行，而且理應風險程度好低，因為正常唔會經過「死亡之路」嗰個區域。」大舊抱手、點頭。


「但係，」我問下去：「佢哋呢個四人小隊，就入咗去？」


「係，而且‧‧‧‧‧‧只係死淨瑜小六一個。」


就是說，另外三名女隊員‧‧‧‧‧‧都遭到病者殺害了。






「大概我只係知咁上下～詳情你要問賴三老師，因為嗰日佢咁啱喺附近觀察記錄緊病者，先及時救到埋小六。」大舊搖搖頭，說：「所以小六佢之後退隊，麻醉自己喺論文繁密嘅文字上～我唔係理解唔到嘅，總好過執番條命之後，連正常人都變唔番。」


「如果咁講‧‧‧‧‧‧佢都已經好樂觀。」親眼經歷隊友的死亡，是無比沉重的陰影。


「佢一開頭精神係好繃潰，慢慢變到恍惚，最後好似選擇性遺忘咗件事咁，提都冇提過。」大舊嘆氣，說：「都唔知好事定壞事‧‧‧‧‧‧」


「陰影‧‧‧」我回頭，凝視圖書館中的瑜小六。


「佢對害死自己朋友嘅事，係特別耿耿於懷。」






只是我假死的那次之後，我是以鳥嘴老師的身份協助她再次站起。


「你覺得，佢今次有辦法再企得到起身？」大舊也望著圖書館的瑜小六，說下去：「定係‧‧‧遠離呢啲陰影比較好。」


「漫無止境咁扶一個人企喺身係冇用，佢始終‧‧‧要學識點樣企番起身。」


「唔，」大舊黯淡地點頭：「或者。」


不過，對事件稍有好奇的我，當晚就前去了大本營的C橦攝影大樓中，試著問賴三老師一些事發經過。






一如既往，攝影大樓擺放著多部相機、錄影機、機燈和各式各樣的拍攝配件。這裡是賴三老師工作的主要地方，要是他不在這裡，就有大機會出外進行拍攝記錄了。


表情或是活動都十分木訥的他，也只有這兩個去處。


還記得第一次來到攝影大樓，差點被他貼上牆的病者照片嚇到。


他算是大本營中，少有對病者略有認識的學者。


除了會拍攝不同種類病者的日常姿態、習慣、行為外，還會作出分析。






單是儲片庫，就有數之不盡的影片存放著。


可謂大本營忠實的前輩級人物，儘管平日行事十分低調。


自告奮勇跟去病者之都的人，會是他嗎？


我如以前一樣，步行進去攝影樓中。相比起上一次到來，這次牆上貼著更多的病者照片，每一張的表情或是姿態都捕捉得十分之好。


「邊個。」攝影器材的租借室中，傳來了賴三老師的聲音。


「係我。」我開腔，說。


然後，他緩徐地走出來：「有乜幫到你。」


「聽講係你上次救咗瑜小六？」


「係。」賴三淡漠地說。


「「死亡之路」，唔係佢哋巡邏範圍之一。」


「你認為佢哋點解會入咗唔屬於自己巡邏範圍嘅地方？」徑自做事的賴三，說。


「有好多因素。」


「你自己問，關心同學唔屬於我職責範圍。」賴三返回器材租用室前，說。


「你鼓勵佢寫啲論文？」


「‧‧‧佢似乎受到好大壓抑？」賴三停下腳步，說：「搵工作麻目自己並唔係一件壞事，佢一開始嗰個星期仲係好驚，每晚外面一出現病者嘅笑聲，瑜小六就幾乎會喊。透過論文入手，迫使佢慢慢出去探究病者，慢慢接觸番呢個必然存在嘅物種，係件好事。」


這些，都是賴三的主意嗎？難以想像‧‧‧‧‧‧


「而且仲妄想有機會返到以前咁？」賴三的麻目，真的非筆墨能形容：「世道唔同，人類要接受社會存在病者嘅事實，大本營對病者有學識同經驗嘅人‧‧‧除咗你，十隻手指都數得哂。」


「為大本營培育新嘅病者導師？」


「萬一我死咗，病學知識都唔會斷層。」賴三轉身，凝視著我：「希望，有一日，會有人入到病者之都。」


說畢，賴三就返回工作地方中。


了解過瑜小六的情況後，我方才明瞭她失去戰意的原因。


每個出名的英雄背後，都不是由開始至到結束，都毫無悲痛與迷茫。


他們，背後都有辛酸的往事。


能否捱過去，就視乎自身的意志。


暴雨一下，便落了整個季節。


幾天來，雨沒停欲地傾瀉著，心情也難免受到些影響。


聞說，Dr.D以前在六樓實驗室和私人住宅中，所有關於醫學、病學的研究文章及論文，皆被收藏到圖書館的「禁書區」，那裡有欄杆和守衛阻隔一般人進入，。


聽圖書館的管理人說，只有修讀有關病學或是醫學高級課程的大本營居民，才能夠進入參閱內裡的研究文章。


此外，每一篇文章更被特別封上膠套且不得借走。


Dr.D無可否認是個徹頭徹尾的瘋子，但同時也是個天才。


對於妄想主宰世界的他，研究作品能被人小心地收藏，而不是燒掉，已經是種很好的待遇。


在想起Dr.D的文章，我驀地想起了一個人‧‧‧


那個曾經被Dr.D困在A００５室攝影棚的半紅點人！他的的第二代助手！以前因為事情太過詭異，而且還有很多的事要忙，都逐漸遺忘了這件事。


那皮膚焦黃，見人就攻擊的傢伙，該不會還存活著吧‧‧‧


「M！做咩只係喺出面望啊，想入去禁書區？」碰巧在圖書館遇見大舊了。


「唔係‧‧‧我諗起啲嘢，你哋有冇人入過A００５？」我問。


「嗰到得一個入口就係大本營外圍，所以無乜人入過，而且嗰到都無乜特別。」依舊穿著白色背心的大舊，說。


「嗰到有人。」我直接說。


「哈‧‧‧哈哈哈哈哈！！！估唔到M你‧‧‧都會聽埋嗰班學生講嘅大本營傳說啊哈哈哈！佢哋都話入面有鬼啊，夜晚經過A橦大樓後門嗰陣，會聽到一啲啲人講嘢或者郁動嘅聲音，估唔到你會當真啊！」大舊哈哈大笑。


「你既然唔驚，跟我去一敞？」我問。


「吓‧‧‧‧‧‧！？啊‧‧‧」向來聲大勢大的大舊，忽然訝異起來：「M！你唔會信呢啲細路講嘅嘢呱‧‧‧！世‧‧‧世上邊有鬼嫁‧‧‧哈‧‧‧哈哈哈哈！」


大舊笑得何其生硬。


「你驚？算，我自己一個去睇下都得。」


「我‧‧‧我邊有驚啊！」大舊額上冒出了幾分冷汗，說：「你唔好亂屈我喎‧‧‧‧‧‧！我連病者都唔驚‧‧‧會驚‧‧‧‧‧‧鬼‧‧‧！？」


「‧‧‧」


「你唔好用呢種質疑眼神望住我啊‧‧‧‧‧‧！」大舊咬牙切齒地說：「好啊！我‧‧‧我就去‧‧‧‧‧‧證明俾你睇！！」


「唔。」我點頭。



其實我沒有迫大舊前去，可是緊張的人，總是想證明自己的鎮靜。


途中，大舊跟我去到A００５室之前，不斷以兩指戳著兩膊再戳額，途中更唸起佛經來。


深知內裡無鬼的我，顯得比他輕鬆。


「喀──」冒著雨水，我們來到了A００５室的門外。


裡面一如所料，沒有照明，還好我早叫大舊帶備電筒方便前進。


「哈哈哈‧‧‧‧‧‧果然‧‧‧係冇嘢發生！」大舊站在門外，用電筒隨便往裡頭照兩照便說：「收工！返去食餐好囉！？」


「入嚟吧。」我踏進去入面。


「呃，唉‧‧‧‧‧‧」大舊黯然嘆息地尾隨。


「小心，入面有人。」我提醒大舊。


只是，不知餓死了沒有。


「M啊‧‧‧點解你可以行得咁前‧‧‧‧‧‧」


「你心中無鬼，就唔會驚鬼。」


「我份人啊，越緊張‧‧‧就越肚餓，一陣真係平和返出去，一定要飲多幾碗菜湯‧‧‧！」大舊堅決地說。


「噓‧‧‧」我把食指放在嘴前，小聲地說：「有聲‧‧‧」


=large「餓‧‧‧餓‧‧‧‧‧‧餓‧‧‧好餓‧‧‧只有饑餓‧‧‧只有饑餓‧‧‧‧‧‧只有饑餓只有饑餓‧‧‧‧‧‧」


「咩‧‧‧咩嚟‧‧‧‧‧‧活人‧‧‧？」大舊眼睛瞪大，問。


「類近‧‧‧‧‧‧當時我冇活捉到佢出嚟，今日應該可以。」


倏地！那聲音急速地靠近我們：「有人‧‧‧有人嘅氣味‧‧‧‧‧‧好香‧‧‧柔軟嘅肌肉‧‧‧鮮甜血液‧‧‧‧‧‧香脆嘅骨頭‧‧‧好餓！！！！！！比死更痛苦！！！！！」


有點驚慌的大舊，馬上四周亂照，驀地發現一個不明的影子‧‧‧‧‧‧正在我們上方！


我們不約而同地抬頭望去，而站那皮膚焦黃、半身紅點、骨瘦如柴的半人，則露出垂涎展笑的表情，手上握住一把削木短斧。


「鏗──鏗鏗──！」站在燈架棚上的他，用力往大舊頭頂上的一部機燈猛砍！


「咔‧‧‧」終於，那機燈掉下來。


「啊‧‧‧！！」大舊下意識地，舉起雙臂擋住頭部。


「呯！」沉重的機燈，墮到大舊的身上。


「啊──！」被機燈壓中的大舊，騰痛地抱頭、跪下。


「痛‧‧‧痛啊‧‧‧‧‧‧我要食肉‧‧‧肉‧‧‧肉！！！」上面那傢伙往前面一躍，就砍斷我頭頂上的機燈。


這次清楚他意圖的我，立馬飛撲閃避。


「呯──」


「死！！！！！！！」他不讓人有喘息的機會，下一秒就要從高跳下，使出空襲。


「‧‧‧」我再滾身避開。


「噠‧‧‧！」空襲失敗的他，狠狠地摔到地面上。


而我則把握機會，用雨傘給予他一下又一下的重擊！在他想站起之際，就用力地打壓住他，讓他站不起來。


「啊‧‧‧嗄‧‧‧‧‧‧啊‧‧‧！」大舊如頭沉醒的牛，如今沒太痛了，他單手拖著那掉到地上的機燈，去到我們面前：「M‧‧‧‧‧‧讓開少少！！！」


「痛‧‧‧只有‧‧‧‧‧‧痛楚！！！！」那半人的怪物被我虐打一番後，大舊單手舉起十分沉重的機燈，繼而一下敲到那怪人的頭上。


「呯！！！！」慘痛的一擊。


那怪人方才失去意識一樣，沒有掙扎‧‧‧‧‧‧


「嗄‧‧‧嗄‧‧‧‧‧‧」前額滲出血液的大舊，喘著氣問：「呢‧‧‧呢條友‧‧‧‧‧‧到底乜人嚟‧‧‧」


「我都想知‧‧‧‧‧‧拖佢出去。」我拉起怪人雙腳，就把他拖行出去。


被帶回大本營內部的他，被囚禁在D橦大樓的監護病房中，而大舊也順便在醫療室包紮了繃帶在前額上。


「點啊‧‧‧知道嗰隻係乜嘢未‧‧‧？」大舊問。


「未知，醫生同工作人員都做緊快速測試。」我說。


「原來入面真係有隻嘢‧‧‧‧‧‧」大舊望著地板，說：「班學生都算冇講大話。」


「佢好似係Dr.D第二任助手，不過似乎改造失敗，變咗咁嘅半生不死怪物。」


「睇得出‧‧‧佢身上嘅紅點，就係最好嘅證明。」


一會兒後‧‧‧‧‧‧


「兩位，快速測試已經出咗。」一名高級的醫護人員，進來我們所在的醫療室：「好奇怪‧‧‧佢係有病者嘅外觀，但就好似‧‧‧‧‧‧未完全成形咁。」


「即係？！」大舊眉頭深鎖。


「疑似係變異到一半就停咗嘅人類。」


「可以令到變異去到一半就停止！？有冇原因！？」大舊激動得站起。


「普遍變成病者嘅人類，都係死亡後演變而成，即係由感染到冒出紅點，至到自身心臟停止，理論上都仲係一個活人。」醫護人員開始解釋：「但心臟停止之後，就會變成病者。」


「你意思係，佢冇到達心臟停止呢個階段？」我說。


「無錯。」


「有乜原因。」我問。


「呢個‧‧‧‧‧‧就正正要研究一下。」高級醫護人員提起了某人的學術文章，說：「不過我喺禁書區‧‧‧睇過Dr.D其中一篇活體研究文章，佢寫過人類注射特殊藥物之後，要變成可以自我控制嘅病者，有一個主要因素──「強烈的自我意志」。」


「‧‧‧」


「只有咁樣，先可以中斷演變過程，防止去到死亡嘅階段，」


「Dr.D所有文章都喺圖書館嘅禁書區？」


「係。」他答。


「大舊，你好好休一下，我要去調查啲嘢。」


「喔‧‧‧‧‧‧都知你哋講緊乜，越講越複雜。」大舊嘆了口氣，說：「即係嗰隻半人半怪係好嘢定衰嘢？！」


「狹義上嚟講呢‧‧‧‧‧‧」醫護人員又再解釋。


沒什麼損傷的我，先走一步，前去大本營的禁書區。


在裡面，我翻查過很多論文和研究日誌，終於不負所望，讓我找出有關Dr.D第二任助手，進行實驗時的記錄日誌。


他們這些科學家都有一種通病，或者說是良好的習慣？就是無論進行的研究是否違法、破壞道德，他們都會用筆和紙記錄一切實驗所得的結果。


在眾多殘舊的紙頁中，要找到第二任助手被殘酷地進行實驗的記錄，也得費一番苦工。


沒記錯的話，第一任助手滿天察覺到其慘絕人寰的實驗後，便打傷了Dr.D半邊臉之餘，更偷走了關於病腦的研究資料，才導致一開始我進入大本營時，夏晴被轉折地帶到病窩‧‧‧其後我更去營救的事情，再者過程之中認識了少佐。


現在看回來，世上的所有事情，都彷彿一個循環，只是你我都未必察覺得到。


「咁樣諗番轉頭，」我握著那張第二任助手的實驗記錄，淺淺一笑：「我同滿天‧‧‧都算同門師兄弟。」


紙上記錄住各種慘無人道的情況，包括：電擊測試、刀刺測試、窒息測試、毒物測試、高溫測試、低溫測試、痛楚測試、智商測試、情感測試、饑餓測試。


其後，得出的結論是：受改造後如同病者一樣，不餓不渴亦不病。


至於讓他保持意志的方法，就是以慘不忍睹的殘酷方式，對他施以劇烈的痛楚。


看到這邊，我開始理解到，為什麼他只會喊痛‧‧‧‧‧‧