[真人真事][校園][純愛]《婚宴上的重遇》: 序章

大家好又係小弟我
今次又喺度同各位巴絲分享下故仔
呢個故仔同上兩個一樣,
都係真人真事
當然,
如果你覺得劇情太過ff
當係虛擬故事咁睇亦都可以
同上次一樣,
今次呢個故仔並唔係發生喺我身上
而係發生喺我朋友身上


我都唔知點解,
身邊嘅朋友會有咁多愛情經歷
搞到我可以將佢地嘅往事喺網絡上面分享
當然係得佢地同意啦
咁點解我又會喺度分享一件唔係發生喺我身上嘅事呢
事源就係咁嘅,
話說我有一晚約左呢位朋友出嚟飲野
我:「大佬介唔介意將你段情史打上去連登 」
佢:「無啦啦做咩咁問 」
我:「之前我打樂仔嗰段,


發覺咁樣用嚟消磨時間簡直係一流
你都知我冇乜野做架啦 」
佢:「咁又係嘅
你條友真係成日都無所事事 」
我:「所以就睇下你准唔准許我將你嘅故事打出嚟 」
佢:「你自己作啦 」
我:「邊有咁好想像力自己作
你知我個腦跛架嘛 」
佢:「都唔係唔得嘅
不過我會唔會好似樂仔咁樣,


成日都俾連登仔鬧 」
我:「唔知架
不過我諗唔會掛 」
佢:「係先好 」
我:「不過要麻煩你,
就係要你好詳細咁樣將你段情史講出嚟 」
佢:「之前咪講過俾你聽囉 」
我:「之前唔夠詳盡丫嘛
我驚冇咁多材料寫
所以想你講詳盡啲 」
佢:「你就好乸彩
話說我以前讀中學嗰陣有寫日記嘅習慣
裏面記載晒我同佢嘅野
你一陣跟我返屋企,
我拎俾你 」


我:「頂你原來以前真係有寫日記架
以為你吹水添 」
佢:「講左幾多次真係有寫
係你地唔信 」
我:「點解無啦啦會寫嘅 」
佢:「咁萬一我第日想回味中學生活嗰陣,
都有本野記載住丫
有時人嘅記性真係唔係好好
我好驚我隨時會唔記得,
所以以前我就屎忽痕走去學人寫
一路寫到入u 」
我:「咁多謝先,
本野有冇啲野唔睇得架 」
佢:「俾得你睇梗係冇啦
識左咁耐唔通唔信你咩 」


我:「好啦 」
佢:「不過最好就寫得我靚仔啲啦 」
我:「你知我不嬲都係跟現實出 」
佢:「頂你啦 」
我:「不過你個樣又唔係好衰嘅
會唔會醜化就難講喇 」
至於我呢個朋友嘅故事,
係開心定係唔開心,
呢個故嘅結尾會解答到你
無疑當中發生嘅情節都係好熟悉
同之前一樣都係校園愛情故,
不過仍然希望各位巴打絲打會支持一下呢個故
好喇,以下落嚟同上次一樣,
「我」將會代表住我朋友,
用第一身角度去講


方便各位巴打絲打去睇
開始出文吧.