咁樣之後我地五點幾就去到旺角
唔使講啦,
平安夜嘅旺角,
冇可能會唔多人
所以一落車就已經好迫
我:「你想去邊先
若凝:「新之城好冇
我:「哦
之後我地就入左去新之城啦
咁大家都知,


新之城其實唔係好大
嗰日仲要係平安夜
我同若凝一齊行,
唔多唔少都會有身體接觸
有事就我隻手掂到佢手踭
膊頭撞膊頭咁樣
事關小弟其實唔係高佢好多
加上冬天著得多衫,
行起上嚟又比較論盡
我唔知若凝有冇感覺啦


我自己就feel到自己好緊張
每次接觸都有呢個感覺
其實可能好小事
不過當時自己見識少
就以為好大件事,
若凝:「塊面咁紅嘅
我:「你唔覺得好焗咩
若凝:「少少啦
我:「咁q多人
若凝:「一係去第二度


我:「咁就唔使
若凝:「你話架
一陣唔好出到去又係咁鬧點解唔走
我:「痴線
邊度係啲咁嘅人
若凝:「好難講呀
我:「行就行啦
又喺度老屈人
之後若凝眨眼兼且伸一伸脷做鬼臉
呢個樣根本就無敵
可愛到爆
同佢一路行嗰陣,
就一路諗,
我唔知自己前世做左乜野好事
點解平安夜我可以同一個咁靚嘅女仔一齊渡過


老實講自己梗係知自己咩事
基本上乜都冇,
唔靚仔,唔有錢
才華亦都冇乜
點解咁都可以有自己嘅女神喺我側邊行
仲要嗰日係平安夜
若凝:「你喺度諗緊野
我:「冇呀
若凝:「仲話冇
你個樣出賣晒你
我:「知你又問
若凝:「諗緊咩呀
我:「冇呀
若凝:「肯定係唔慌好野
梗係唔係啦,


我只係諗緊你咋
明明成日諗住佢,
但對住佢就講唔出口.

行完新之城之後,
我地去左潮流特區
其實貪入面舒服啲啫
唔使喺條街咁迫
雖然潮流特區都唔算好疏落
講開又講,
2008年嘅潮流特區,
人流好似比依家旺
我早幾日去都覺得冇之前咁多人
我記得嗰陣我同若凝去,
身邊全部都係同我地咁上下大


似係中六中七,
我地行左陣,
差唔多夠鐘就去任食韓燒嗰間野
入到去我地好好彩咁樣有卡位坐
咁樣方便傾計丫嘛
大家面對面咁樣幾好
同埋嗰間野啲坐位好鬆動,
整好晒個爐
咁我地就出去拎野食啦,
我:「使唔使幫你攞埋
若凝:「唔使喇唔該
拎完返嚟之後就開始傾計,
原本講講下都好地地,
突然之間
若凝無啦啦咁樣講


若凝:「有啲野想同你講
雖然唔關你事,
只係我單方面嘅問題
你會唔會嫌煩
我:「唔會呀
究竟係乜問題呢
我真係好想知,
因為識左佢幾個月,
佢冇試過咁樣
通常我地傾計都係傾開心野多
見到佢愁眉苦面咁樣,
都肯定係唔好多過好
雖然我唔係一個成日做樹窿嘅人
亦都唔多鍾意做
不過我都知架喇,
邊有人會搵我呢個小毒毒
但係我自己會覺得,
唔關我事就唔好同我講啦
你要發洩嘅話就搵第二個
當然啦,
對住若凝同埋自己班豬朋狗友,
做樹窿我就覺得冇乜問題
又或者咁講,
若凝同我講佢自己嘅野,
又點會覺得煩丫
我本身對佢有興趣,
梗係好想知道佢啲野啦
只係我平時冇問,
我最怕就係佢唔同我講啫
我自己會ff
佢同得我講佢啲私人野
關係應該唔差啦
但其實我好清楚,
我知道我同佢去到最盡都只係好朋友
並唔會去到更加深入嘅關係,
不過都已經冇所謂.