[真人真事][校園][純愛]《婚宴上的重遇》: 第六十七章

咁我之後就好期待同若凝慶祝生日啦
話晒都係第一次,
上年嘅今日,
我仲喺度自怨自艾
點解喺麥當勞見唔到佢,
一年後嘅今日,
已經係準備同佢慶生
所以話,
世事總係意想不到
點會咁易俾你估到


老實講我上年係完全冇諗過,
一年後我可以咁樣做
當時仲驚以後都見佢唔到,
最好笑嘅係,
明明嗰陣同佢唔係好熟
而喺八月廿七號嘅下晝,
若凝喺面書問我,
聽日嘅安排係點
若凝:「聽日幾點呀 」
我:「晏晝一點鐘喺巴士等囉.」


若凝:「好呀
好耐冇去過迪士尼,
反而成日去海洋公園 」
喺嗰一刻我真係覺得自己好好彩
其實原本我係諗住海洋公園同埋迪士尼二揀一
不過我直覺女仔可能鐘意迪士尼多啲,
所以最後就揀迪士尼
咁呢啲梗係唔同佢講啦,
費事俾佢知其實我係估估下
好無聊呀可


咁都唔想俾佢知,
其實只係想挽回形象,
雖然喺佢心目中都可能冇乜架喇
我:「其實我都未去過 」
若凝:「真係架 」
我:「呃你有寶咩
今次都算係第一次 」
若凝:「我都淨係啱啱開幕嗰陣先入過去
之後都冇喇 」
我:「係喎,
你話你嗰次去日本都冇去迪士尼 」
若凝:「咁鬼多人
時間又唔多,
不過聽講日本迪士尼好靚好大 」
我:「唔知唔好問我


好窮未去過旅行 」
若凝:「咁聽日見啦 」
我:「好呀 」
而喺八月廿八號嘅夜晚,
我喺度諗緊,
點樣同若凝講生日快樂先可以特別啲
你話我踏正零時零分同若凝講生日快樂,
一嚟我冇把握,
我點知我係咪最快
可能有其他癲狗仲勁過我,
二嚟,
第一個講生日快樂,
喺我角度睇,
未必算係最特別
調返轉頭,


如果最遲講又如何
咁樣都係唔得
因為聽日我地會見,
冇理由成個下晝唔同佢講架,
專登等到夜晚先講,
係人都知好怪啦
而且都唔知會唔會激嬲佢添,
咁當然應該唔會嘅
若凝又唔係港女性格,
跟住諗下諗下,
終於俾我諗到有咩方法,
係可以好特別咁樣同佢講生日快樂,
其實冇咩特別,
大家都知若凝係八月廿八號生日,
我決定聽朝一早醒,


喺正八點廿八分嗰一刻同佢講生日快樂
我諗咁樣應該夠特別掛
其實原本我諗到好多嘅,
不過有啲佢應該唔明,
所以都係簡簡單單,
喺正八點廿八分同佢講算啦.

第二朝七點就醒左
跟住就一路用電腦,
對眼就周不時望向螢幕上嘅右下方顯示嘅時間,
原本我係想打比佢,
不過諗諗 ,
佢應該未醒,
咁就費事嘈醒佢啦,
終於去到八點廿八分,


我就開面書同佢講生日快樂
佢嗰陣冇online,
應該真係仲瞓緊覺啦,
好彩冇打俾佢
如果唔係真係由好變壞,
佢一定係咁鬧我
點解嘈醒佢,
呢一日真係等左好耐
仲要係佢正日生日,
或者喺佢心目中,
今日其實唔係好重要,
可能佢覺得,
只係生日冇乜咁大不了
年年都會架啦,
由頭到尾最著緊嘅,
可能只係我呢個閒人
不過人就係好鍾意理埋啲,
同自己冇關嘅事架啦
好多年之後嘅今日先發覺,
原來以前嘅我,
係會對自己以外嘅事咁上心,
差啲唔記得左呢個自己.