[真人真事][校園][純愛]《婚宴上的重遇》: 第七十章

之後我地搭返地鐵出返去,
出到去再搭返巴士返屋邨
上到去巴士,
若凝無啦啦問我有冇耳機,
若凝:「有冇耳機呀 」
我:「無啦啦做乜咁樣問 」
若凝:「冇,
我想閉目養神 」
我:「唔關事架 」
若凝:「未講完呀


平時我慣左喺巴士閉目養神嗰陣係聽歌
不過今日唔記得帶耳機同埋mp3機 」
我:「兩樣都冇帶 」
若凝:「係,
因為平時我係擺喺同一個地方
所以一冇就一齊冇 」
我:「你好彩喇
我今日兩樣都有帶 」
若凝:「你今日真係好靚仔 」
我:「乜淨係今日咩 」


若凝:「平時都靚仔
今日特別靚仔 」
我:「拎去用啦
唔使賣口乖 」
若凝:「唔該晒,
一人一邊啦 」
我:「唔使啦 」
若凝:「要嘅,
始終都係你借俾我
冇理由要你冇得聽 」


我:「咁好啦
但係啲歌可能唔啱你聽喎 」
若凝:「唔緊要啦,
志在想抖得舒服啲所以先聽歌
你全部都係廣東歌丫嘛 」
我:「係呀 」
若凝:「咁就得啦,
實啱聽 」
跟住我地就一人帶一邊耳機,
佢坐窗口位,
我就坐走廊位
老實講,
兩個人用同一個耳機聽歌,
梗係冇一個人用咁爽啦
不過自己平時唔會同佢一齊聽架嘛,


所以嗰次自己都好有印象,
因為真係第一次
逢親第一次,
印象都特別深架啦
定其實係關對象事
我都唔清楚,
講返當時先,
咁我就撳隨機播放啦
第一首係美麗之最,
呢首係我其中一首好鍾意嘅歌
點解
唔係因為我鍾意側田,
我本身唔係側田粉絲
我好鍾意佢份歌詞,
咁當然旋律都好吸引啦


如果唔係點會咁鍾意呢,
我記得有一次我上youtube係諗住聽三十日,
因為嗰期好紅,
聽完之後我喺推薦影片嗰度見到美麗之最
咁就撳左入去聽
一聽就好鍾意,
去到後來見到若凝,
我就完完全全感受到嗰份歌詞嘅意思
識左若凝之後,
我每一次聽呢首歌,
腦海入面個畫面都係若凝
跟住仲有聽其他嘅,
不過嗰啲就真係唔記得左,
聽聽下,
我再望一望隔離嘅若凝


佢已經合埋雙眼
可能佢真係好攰
咁好啦,
順便等佢休息下.

落到車
若凝:「去食野 」
我:「好 」
若凝:「你係側田粉絲嚟架 」
我:「唔係呀做咩咁問.
若凝:「喺我仲有意識嗰陣
我聽到佢嗰首美麗之最 」
我:「我覺得幾好聽啫
唔係粉絲 」
若凝:「呢首真係幾好聽 」


我:「識貨 」
若凝:「唱嚟聽下 」
我:「唔喇 」
若凝:「唱啲啲啦 」
我:「下次先啦 」
若凝:「好,
你話架 」
我:「本身唱歌唔叻
唔使有乜期待 」
若凝:「唔緊要喎 」
我:「總有機會嘅 」
入到去茶餐廳,
叫好野食之後,
我:「唔好食咁飽
一陣仲要特別野 」
若凝:「咩特別野 」
我:「到時你就知 」
若凝:「搞錯呀又吊癮
等我估下好冇 」
我:「好,
你估咁易估中 」
若凝:「一陣有蛋糕 」
我:「點解你會知 」
若凝:「生日嚟嚟去去都係嗰幾樣
唔係好難估 」
我:「你犀利呀 」
若凝:「咩蛋糕嚟架 」
我:「到時你就知架啦 」
若凝:「好,
最鍾意就係食生日蛋糕 」
咁我地之後就食飯
食食下無啦啦傾到去a-level,
若凝:「我地好快就要考a-level.」
我:「係呀,
得返一年都唔夠 」
若凝:「今年時間好似覺得好快
上年呢個時候先啱啱會考放榜 」
我:「係囉,
呢一年好似過得特別快 」
大個左先發現,
其實時間真係過得好快
好似依家咁,
我成日都覺得自己唔係離開中學好耐,
但其實已經出嚟做左幾年野
歲月真係不知不覺間流逝,
從來冇人可以阻止佢個速率,
若凝:「有咩打算 」
我:「唔知呀,
睇下考成點
有得讀嘅話應該會繼續讀上去
可以玩多陣嘛.」
若凝:「正常,
因為我都係 」
我:「最緊要考好a-level,
乜都係假 」
若凝:「冇錯.」

跟住我地就去拎蛋糕
我:「係唔該,
我留左一個朱古力慕絲蛋糕 」
店員:「冇問題,
麻煩你190蚊丫 」
我:「好 」
出到去之後,
若凝:「呢個好食呀
點解你咁醒 」
我梗係唔會同佢講,
我之前兩日食左六個蛋糕
就係為左幫佢試味
我:「我估架咋,
因為我都覺呢個幾好食 」
若凝:「識貨
但係我地去邊食 」
我:「去公園好冇
咁夜應該唔多人 」
若凝:「嗯.」
去到公園,
我:「唔好意思得一支蠟燭 」
若凝:「唔緊要啦,
許願先 」
我:「你信呢啲野架 」
若凝:「我咁睇,
既然我冇損失嘅話,
咁咪試下去信有生日願望呢回事 」
之後佢就許願,
唔知佢個願望係咩呢
跟住我地就一人一支叉,
喺度食蛋糕,
我主要都係留俾佢食
一嚟佢鍾意食,
二嚟我都仲有少少驚驚地
兩日食六個唔係假
見到都驚,
若凝:「你唔食嘅 」
我:「有食,有食 」
若凝:「古古怪怪咁 」
若凝原諒我呃你呀
呢啲真係唔想俾人知
不過今次係我同佢食一個蛋糕,
同之前我一個人食完全唔同
望住一面滿足嘅若凝,
我突然之間覺得,
之前係冇做錯
雖然係辛苦啲但係都值得,
為嘅只係眼前呢個女仔,
呢一個表情
之後我地食飽就走,
咁我梗係送埋佢返屋企,
去到屋企門口,
若凝:「傻仔行 」
我:「做咩呀 」
若凝:「18歲生日過得好開心
多謝你丫 」
聽完之後我總算放下心頭大石,
至少自己冇令佢失望
準備左嘅野,
原來係有成果
我:「唔使
今次去唔到日本迪士尼,
去住香港迪士尼收唔收貨 」
若凝:「收貨有餘 」
我:「下次帶你去日本迪士尼 」
若凝:「痴線你講笑咋話
吹到咁大 」
我:「未來係點冇人知嘅
可能真係得呢.」
若凝:「咁我等住呢一日.」
我:「好,
你有命就得 」
若凝:「又喺度咒我
拜拜喇 」
我:「拜拜 」
之後若凝就行左入去佢住嗰棟樓,
我亦都行返屋企
玩左一日都真係有啲攰,
大個左回想返起呢一日,
啲細節位都仲係記得好清楚,
唔使靠日記都記得,
因為我冇試過對一個人嘅生日咁重視,
可以講得上前無古人,
後亦無來者.