最後初中結局: 1.3

我同鼕琪其實唔係中學同學，亦都唔係小學或者幼稚園同學。

我哋係補習社同學。

我係讀九龍城一間中小學一條龍嘅中學，但係我唔係嗰到既小學讀既，姐係「外來生」，form one先入嚟。

而鼕琪，佢就係讀附近一間中學咁囉，

我哋就係嚟咁，喺旺角一間補習社補science。





我永遠都唔會忘記，我係一見鍾情咁鍾意咗帶黑色眼鏡既佢。

佢唔知點解，唔係好鍾意扎辮，佢平時放學之後其他時間都鍾意放返底啲頭髮，佢後來話自己覺得唔扎辮靚過扎辮喎。

所以喺補習社，我覺得佢真係好靚。

大家Taste一樣？哈哈哈哈哈哈…

之後嗰補習老師就話要開始喇，我故意坐喺佢隔離。





佢向嗰老師問問題既時候嗰個笑容，真係好靚好靚，身材高挑，加上佢學校件校裙係藍色嗰啲水手服…？搞到我上完學期第一堂就已經超級鍾意佢。