最後初中結局: 1.5

我亦無奈地笑一笑。

「咁你住邊？」到佢問我。

「嘻。葵涌。」我笑住講。

「喔。」佢學我笑住講：「我哋兩個隔咁遠哈。」

入左閘之後。





「係呢，你住葵涌邊度？」

見佢咁問，我本來想答「你問嚟做咩」，因為我覺得，住葵涌邊度都唔係好關鼕琪事嘅，但係我驚佢真係想逐步瞭解我，所以我都係搭：「欸…葵涌邨嗰邊喇。」

「葵涌邨…？係咪姐係大窩口邨上面？」

「係吖。」我有些少好奇點解佢會咁問。

事出必有因。





「喔！我阿阿公婆其實係住喺大窩口邨架。」佢都係笑講：「我每個禮拜六都要返去探佢哋啊。」

「係吖？」我感到些少驚喜：「其實我都要逢星期六探我阿公阿婆。」

「嘿！我發現我地兩個其實都幾似喎。」

「吓？點樣似法吖？」

「哈哈。你行嗰邊喇。拜拜。」





「拜拜。」

我落樓梯去到月台。

「我發現我地兩個其實都幾似喎。」

呢句野竟然唔係鍾意佢既我講。

係佢自己咁講。

心中莫名興奮。

我望住月台幕門反光中的自己…

係到傻笑。





帶返個耳機…

「往荃灣列車即將到達，請先讓乘客落車…」

又一趟新嘅旅程。