忘了夢想的人會成為失蹤人口: 13

「喂，你諗咩諗到呆左。」濼瑤不斷在我眼前揮手
 
 
「無野，諗返起呢啲說話我都曾經講過。」洋蔥的話讓我陷入了充滿悲憶的湖泊中
 
 
「都過左去啦！唔好諗咁多。」濼瑤只有安慰我時才會比較像位女生
 
 
「洋蔥佢地呢？」我轉身一看就發覺只剩下我倆




 
 
「佢地走左啦！岩岩你諗得咁入神，點會覺佢地走左。」
 
 
「其實我係咪好懦弱？」我仰望滿天繁星的夜空
 
 
「懦弱既唔只你，仲有我，我地都係一班隨波逐流既人，但係我地比其他人唔同既係我地會一直係大家身邊支持對方。」濼瑤看着我道，她的存在是上天給我最好的禮物
 




 
「多謝你，係你比我知道自己出世既目的係咩。」因為有她我才能活到現在
 
 
「你想講咩呀！」濼瑤的笑容永遠是我解愁的最佳良藥
 
 
「我想講……」當我真想説時，濼瑤阻止了我
 
 




「唔準講，我想出返去先聽。」
 
 
若能夠逃出的機會是微乎其微，你還會否抱有着希望？
 
 
「但係......」她又阻止了我
 
 
「唔準咁諗，我地一定可以出返去。」濼瑤知道我的悲觀性格肯定會從最壞的方面打算
 
 
説着説着，已經到家，屋內的冷清瞬間因為濼瑤的嘈吵而打破。
 
 




「好耐無黎過啦！都係無咩變到。」濼瑤如小女孩般，在探索屋內的各處，但明明以前是這裏的常客
 
 
「如果變得太多我驚你認唔出，到時以為自己入錯屋就唔好啦！」屋內終於添了點生氣
 
 
「你之前又話裝修既，邊到有變到。」濼瑤自從中五暑假已經再沒來過，房間內的星空當然還沒看過
 
 
「其實有變，只不過係消失左。」我望着天花板，緬懷昔日能看見星空的日子
 
 
生活的窒息，學業的壓力，是星空存在的原因，每次在這座孤城生活得疲倦時，關上燈看着滿天繁星的夜空是最好的放鬆，可以忘卻一切的煩惱。
 
 




「廳同房都係無變到，同裝修前一模一樣。」濼瑤的這句使我靈機一觸，星空從沒消失，可能它從來都沒有出現過，我們可能回到一年前的世界
 
 
「濼瑤，我地會唔會返到一年前既秀茂坪。」因為濼瑤這句讓我仔細觀察屋內的裝潢
 
 
「邊有可能，一年前既秀茂坪會好似依家咁咩，一年前既我地點會估到我地依家會困左係到。」
 
 
一年前的秀茂坪的確不是這樣，但一年前星空的確是不存在，家中的佈置跟一年前真的相同。
 
 
「如果...我係話如果，我地係到無憂衣食既話其實過一世都好似幾好。」當心中的烏托邦出現時，有些話會不自覺地衝口而出
 
 




「我無聽錯呀嘛沈旭頡，你想留係到一世？」濼瑤驚訝的表情已經不知多久沒看過
 
 
「我係話如果姐，唔洗咁大反應既。」
 
 
「點可以唔大反應呀！你話想留係到一世喎，你仲有野未做架，你係咪嚇到傻左。」濼瑤拿着房間內的籃球對着我
 
 
「你放低粒籃球先，我都係講下笑姐。」
 
 
「你覺得自己好幽默咩，你記唔記得你應承過我啲咩。」
 
 




承諾是一輩子的事，大家千萬不要隨意跟女人許下承諾，除非你會記得，否則你一日未能實現，她一日都會記得你們之間的承諾，當你們有意見不合時她就會重提你已遺忘了的承諾，殺你一個措手不及。