《香港革命戰》(上): [22-內部事務] PART 5
“咯 咯 咯 咯 咯 咯 咯 咯 咯”喺行去阿月既病房同時，我一直都喺道諗梗...
“咯 咯 咯 咯 咯 咯 咯 咯 咯”阿風講既野…
“咯 咯 咯 咯 咯 咯 咯 咯 咯”口硬心軟既統治者丫...
“咯 咯 咯 咯 咯 咯 咯 咯 咯”乜我真係咩?
我個心裏面，真係仲認陳星做老豆咩?
由細到大，一直以黎，我都唔覺得陳星係我既老豆...
一直以黎，老豆都無當過我係佢個仔...
一直都係不斷咁要我修行...修行...修行...修行...修行...修行...
『爸爸...我好攰喇...俾我休息下可以嘛?』我跪到喺地上，流住眼淚...
「起身...立即同我起身!你已經八歲架喇!仲未有資格做執行者!咁你仲要花幾多時間修行，先配做預行者呀?」老豆一手就拉起左我...
『爸爸...點解一定要咁辛苦修行丫?點解一定要做預行者丫?我唔修行喇...我唔做喇...我咩都唔要丫...嗚嗚...』我既視線被我既淚水掩蓋，老豆既樣貌變得模糊...
「收聲!唔准喊!呢個係你既使命!呢個係你既天職!你必須帶領我地既行者，拯救出面既奴隸!我叫你收聲呀!收聲呀!」老豆一手就掉左我落地...
『嗚嗚...點解要我救佢地?點解喎...我根本就唔識得佢地...我根本就無責任要拯救佢地...嗚嗚...』我跪喺地上，不斷喊...不斷喊...
我除左喊就外，就乜都唔識...亦乜都睇唔見...
「死海文書列明你要審判地獄...你就一定要審判地獄...你無得揀...」
我無得揀...我無得揀...
“颼”不知不覺間，原來已經行到黎阿月間病房...
“咯 咯 咯”我走入病房之時，我已經見到阿月坐左起身...座喺病床上，望出壓縮空氣幕牆既風景...
『阿月...妳醒左喇?』果然好準時...EVE話過阿月會喺六個鐘頭後醒，就係六個鐘頭後既而家醒左...
阿月擰一擰過黎，望一望我...再笑一笑:「嗯...」
睇起上黎...阿月有D呆...
我好似無乜點見過...阿月呆下呆下既樣...
係因為岩岩醒返既關係?
總係覺得...有D奇怪...
『妳有無見邊道唔舒服?駛唔駛瞓下...再休息多D丫?』我行到埋阿月身邊...
阿月攬一攬住我條腰，擰擰頭:「我無事...」
我摸住阿月既秀髮...睇黎…阿月好傷下...
都係既…阿月可以話差D就無命...
真係差D架咋…
阿風都講過，尋日再遲多少少先送阿月去搶救既話，唔死都醒唔返...
阿月佢又真係既...
點可以為左嗰個李飛揚，就連命都唔要架?
我真係唔係好明佢...
為左深愛既人，可以承受幾大既痛楚...可以連命都唔要...
我同阿月相擁左好一段時間...
『好D未丫?』我再摸一摸阿月既秀髮...
「嗯...哥...你想唔聽下...關於尋日...既事...」阿月明顯變得平靜...
『嗯...』其實我本來係想話妳有必要話我知...
之不過...見到你而家成隻受傷既小貓咁...我又唔忍心對妳咁強硬...
阿月捉實我隻手，我就坐到病床邊...
阿月吸一口大氣:「尋日，當我發晒癲咁衝入INTRUDER入侵MINDER既時候，我已經見到元朗領域嗰班人...已經去到飛揚面前...」
阿月面上不帶半點表情...
「我立刻叫飛揚走...叫飛揚逃走...但已經走唔切...元朗領域班人已經攔住左飛揚佢地...」阿月用力捉一捉住我隻手...
李飛揚佢地?
我諗阿月口中所指既佢地，應該係李飛揚同李軍...
「李軍好厲害...佢手車真係好厲害...唔單止係咁...佢仲有勇有謀...」阿月點一點頭...
無錯...果然係李軍...
鄭穎心係有預謀同時殺死李飛揚同李軍...
第一同第二目標...
咁講法...則係話...鄭穎心一直都有調查有關死海文書既進程?
我係唔係應該咁樣理解呢?
如果唔係既話，又點會咁岩要同時殺死李飛揚同李軍呢?
要知道...李飛揚同李軍都係我地既關鍵...
假如佢地兩個都死左既話，我地都玩完...
但問題係...邊個話俾鄭穎心聽架呢?
係佢自己推測到?
係佢仲有研究死海文書?
無理由…照計，鄭穎心唔會對死海文書再有興趣...
「我諗...我諗有乜方法可以救到飛揚...喺危急既時候，我...我諗起國安局...國安局係我地最大既敵人...即係飛揚既朋友...」阿月皺一皺眉...
國安局...
都係既…我地係國安局既目標...假如話我地要追殺李飛揚既話，國安局就會保護李飛揚...
正所謂敵人既敵人即係朋友...
「我一邊利用MINDER去聯絡國安局...一邊幫飛揚佢地畫出與國安局集合既最近路線...」阿月既眉頭越黎越緊...
利用MINDER...
「嗰陣時…其實MINDER已經知道我既入侵...佢一直嘗試攻擊我既腦部神經...INTRUDER已經阻止唔到佢...我個頭好痛...我個頭好痛...」阿月撳住自己個頭，面露痛苦神色...
『放鬆D...放鬆D...』我摸住阿月隻手，盡量安撫佢...
「元朗領域班人一直追殺飛揚...MINDER就一直試圖侵食我個腦...我只可以加大LILITH既劑量...」阿月吸幾啖大氣，放鬆一下個人...
我睇得出，阿月好辛苦...
「我一路改變路上車輛既行車路線...幫飛揚佢地擋住元朗領域佢地...期間...一支又一支火箭射中巴士...射中私家車...死左好多人...死左好多無辜既人...我害死左好多人...我害死左好多人呀!」阿月撳住左自己個頭，不斷慘叫...
『放鬆...放鬆...唔關妳事...總要有人犧牲...為左大局...呢D都唔係妳既錯...唔係妳既錯...』我攬實阿月...
阿月一邊喊...一邊攬實我...
阿月佢越攬越實...越攬越實...
我感覺得到佢既深心充滿自責...內疚...不安...
事實上，有人犧牲係無可避免...
而家既情況，其實係同打仗無分別...
我地都已經犧牲左唔少...
人命同埋事物...
搞到今時今日既田地，唔係一朝一夕既事...
係長久以來...累積而成...
長久以來既不公平...長久以來既壓迫...長久以來既欺壓...令到事件既嚴重性升級...
講返轉頭，如果喺一開始察覺到有問題既時候，及早解決既話，我諗就唔駛犧牲咁多!
不過要講返轉頭，我諗都要返返去一百多年前先得...
阿月吸一吸口氣:「我一邊畫出路線...一邊令無辜既人為飛揚犧牲...MINDER亦無停過手...佢不斷攻擊我...攻擊我...我個頭好痛...好辛苦...好多針插入我個腦...無數既針不斷咁插入我個腦!我開始分辨唔到咩野係事實...乜野係幻覺...到我再有返意識既時候...我已經喺呢道...」
『放心…呢道係真實...所有野都係真實...』我再用力攬一攬實阿月...
「點先知係唔係真實...」阿月擰一擰個頭...
『只要妳話俾自己聽呢道係真實，呢道就係真實。』我堅定不移咁望住阿月對眼。
阿月眼定定咁望左我好一陣子，然後點一點頭...
我呢個細妹...受苦喇...
應該話我呢個細妹，由出世都而家都受左太多苦喇...
一直我都無辦法俾到安寧既日子佢...
一直...我地都係不斷為自由而戰...
就連想好好咁休息下都無可能...
太辛苦喇...
阿月...綽瑩...綽姿...阿風...阿賢...阿霖...阿晴...尚冬...阿盈...阿燁...天欣...所有為SPIRIT付出既人，都太辛苦喇...
假如要令大家都唔好再咁辛苦既話，就要盡快結束呢場戰爭!
『無事架喇~而家無事架喇~妳應該知...妳既愛人而家已經平安無事啦~』我摸一摸阿月個頭...
「嗯...」阿月帶住一絲絲既甜味笑一笑…
『咁咪得囉~最緊要係佢唔死得姐~』我唔知咁樣算唔算係氹自己個細妹開心返，我就係識咁樣架咋...
「嗯...之但係...佢腕上既名冊仲未啟動到...」阿月擰一擰頭…
嗯...呢個又係一大個難題...
「雖然話呢幾日綽姿已經照原來既設定，去搵u.00.w買有關三合既資料...但係...仲未知成唔成功進入下一步既程序...」阿月又諗一諗...
搞咩阿月突然又認真咁分析大局起黎架...
我明明就係諗住放鬆下阿月既心情架嘛…
我地兩個話就話孿生，但點解好似點都係同步唔到咁架呢?
「等等真係要去INTRUDER道，睇下有乜進展先得...」阿月點一點頭...
『又要入INTRUDER?!唔得唔得!妳岩岩先俾MINDER搞到差D就無命喇!而家又話要入去INTRUDER?唔得!我唔會俾我個細妹再冒險!點都唔可以!』我唔想無左妳呢個細妹呀!
「你係唔係真係咁科技白痴呢?入去INTRUDER係唔會有危險架~只係入侵MINDER先會有危險~我話我只係要入INTRUDER睇佢搵到D咩資料返黎姐~唔係入侵MINDER~所以唔會有事架~你科技白痴就用腦記下我地講過D乜啦~」阿月冷眼望一望我...
『車...咁複既野...我點分得咁清楚姐...』無啦啦又俾阿月話...
「不過...好多謝你...多謝你咁著緊我...我既好哥哥...」阿月攬實左我...
『咁...咁妳係我既細妹黎架嘛…』我都攬一攬住阿月...
我...已經無晒親人...
身邊就係得返阿月呢個細妹...
一直以黎，我都無機會盡哥哥既責任...
一直以黎，我都只可以隔住道牆去注視住我呢個細妹...
到左救返阿月返黎，呢三年我地又不斷要為審判程序努力...
我地雖然話成日見面，但成日都要傾有關死海文書既事、審判程序既事、地獄既事、李飛揚既事...
我地真係好少機會會傾心事...
就連用心關心下對方，都好似變得好奢侈...
我地可唔可以留返多D時間，俾身邊既人?
我地可唔可以用多D時間，關心身邊既人?
假如審判之日完成既話，我真係想可以用多D時間，去關心阿月...照顧阿月...
不過~到左嗰陣時，阿月仲邊鬼道有時間理我丫~
佢一定會用晒自己所有既時間，去陪嗰個李飛揚~
假如李飛揚無死喺我手上既話...
「哥哥...肚餓...」阿月咬一咬我膊頭...
『喂喂…你肚餓都無理由咬我架~妳想食D乜丫?等我幫妳點喇~』無啦啦咬人都有...
「我要食客似雲來既雲吞麵~」阿月舔一舔嘴角...
『哦...喂...佢無外賣架喎...』我一用思緒連接客似雲來，佢就話無外賣供應...
「幫我去買啦~」阿月搖一搖我隻手臂...
『下?要我出去出面?仲要出到咁鬼遠幫妳買返黎?』要一個統治者做外賣仔?!
「你唔應該有階級之分架~好喇哥哥~幫我買啦~哥哥~」阿月扁晒嘴咁搖我隻手臂...
『好喇好喇...怕左妳喇...咁妳喺道抖下，等我返黎喇...』我真係受唔住阿月...
「我幾時都話，哥哥最錫我架啦~」阿月對我莞爾一笑…
係我怕左妳姐...
TO BE CONTINUED