如果Marvel 同DC合作創造一個英雄: 第一章

哇！我從來無諗過呢塊高科技產品，磁力原浮滑板會喺我腳下，令我有一種好似【back to the future】個主角嘅感覺。當然我只有14歲，點會夠錢買一塊貴過層樓嘅滑板。呢塊滑板係媽咪個朋友，布魯斯·韋恩即係蝙蝠俠送俾我嘅禮物，但係佢千叮萬囑我只可以喺我出任務個陣先可以用。滑板設計獨特，佢形狀似盾牌（考慮到我媽咪堅持要使用盾牌），可以掛喺我件戰衣背面，方便我攞。btw，我都唔記得介紹，我係派翠西亞·普林斯，貓女。由於我係被領養，所以就跟我媽咪戴安娜·普林斯姓。基本上我認識所有嘅超級英雄，超人、iron man、美國隊長、綠箭俠等等我都認識，因為我母親係神奇女俠，一個經歷過世界大戰洗滌嘅亞馬遜人。


從小，我媽咪就傳授一切一切嘅知識俾我，細細個我就接觸劍術，重要喺同輩面前扮到咩都唔知，努力去做一個品學兼優嘅女學生，可能因為我天生已經係非人類，所以有一D特別嘅技能，但個人防禦力就相對較差（原因就遲D再講）。


「鈴鈴鈴鈴鈴鈴……」銀行嘅警報突然響起，幾個戴着黑色頭套嘅人拎住嚇人嘅機關槍指住一個手無寸鐵嘅西裝男。西裝男盡失男人味， 趴喺地上喊得成個女仔咁。「係咪你整響得警執？」一把陰沉嘅聲音從頭套男發出，嗰把聲明顯係經過變聲器發出，根本低音到不似人形。西裝男使勁地搖頭，面對一把隨時可以將自己塊臉轟到稀巴爛嘅可怕殺人武器佢早已經出唔到聲而且更需要一條新嘅褲。


頭套男唔理佢，準備要扣下板機。






「呀！」一聲悶哼發出。原本閉上雙眼準備去同死神hea tea嘅西裝男只見到一個戴住舞會式面具，披着一頭黃金色秀髮嘅女生，正坐在頭套男身上，而機關槍已經落喺嗰個天真嘅少女手上。


「opps，對唔住。我好似降落錯位，咦？但錯得黎都幾準喎！」小女嬉皮笑臉咁講。然後佢將機關槍拋去天花板，然後佢將手中嘅藍光射向天花板。抬頭一望，見到把槍被詭異嘅冰封咗喺天花板度。


「hey！小朋友唔可玩槍㗎！」少女微笑着講。說罷佢以高速（旁人眼中只見到佢嘅殘影）跘到全部手持槍械嘅人，藍光一現，全部槍都黐咗喺天花板度，所有人都瞪大眼擘大口對場面十分驚訝。一個頭套男不自量力咁衝過去，少女猛然拎轉頭，一隻手包住瘋狂嘅拳頭，再用力一推，頭套男一下飛到十米外。






「仲有邊個想同我玩？」少女叉着腰企喺一開始被擊到嘅頭套男身上，佢再環視一周，確保無人想逃走。「無就全部舉高雙手，如果你夠膽走我保證你唔會去監獄，但應該要去焚化爐度解下凍，融下冰咁。」佢一邊講一邊百無聊賴咁玩手指。


「警察！唔好郁！」


西裝男望返去少女嗰度，發現佢已經唔見咗。但上方傳來一把聲「記住我叫貓女，係呢個城市嘅守護神！」
_____________________________________
第二日




「西亞，聽講你尋日拯救左一間銀行，係咪真㗎？」戴安娜雙手搭住西亞嘅膊頭温柔咁問。


「我只係跌咗落一個想開槍殺人嘅蠢材身上，再將佢地嘅槍黐上天花板啫」西亞用一種｛好似無咩大不了｝嘅語氣回應。戴安娜心裡暗喜，咁多年嘅訓練終於造就咗一個新嘅超級英雄，不枉我喺十年前將亞馬遜嘅血液輸俾佢。


貓女，一個包含人類、貓科、亞馬遜族人嘅DNA，一個生物學有史以來最成功嘅實驗品，同時亦係一個災難性嘅實驗品