一教瞓醒變妹妹<<少少甜，卜卜脆>>: 第三十四章 北山老妖

“咩話？！仆街喇，唔通比個八婆睇穿？！”我心諗奇怪

霎時之間四周藍光一閃，我立刻感覺到手腳動完全郁唔到，好似玩game 有一招“禁足”咁，更加控制唔到我既藍火。

“哈哈哈哈，小女孩，你係有d聰明，但冇乜實戰經驗，諗法太嫩喇！”北方老妖仰天大笑，接著又一個甩手，我既藍火被熄滅，狐珠浮左係半空。

“係你黎之前我就在依度布左限魂結界，你而家連魂魄都郁唔到，睇下你有乜本事同我打!”北山老妖表情依然平靜，但語氣令人感到陣陣寒意。

仆街！我同祖先個計策居然一早就被佢睇穿！而家狐珠保唔住，自己仲衰左係佢手上！





“主人！”小依見我被控制住，立刻向我大叫衝過來!

“唔好過黎！小依，要照顧好人質！唔好忘記我地既目的！”我向小依說

雖然而家人質已經被救，但係狐珠係北山老妖手上，係佢手上會為害人間！一定要辦法拎返黎啊！而家我到底可以有咩辦法呢？我連手腳都郁唔到！

令我奇怪仲有一樣野，點解祖先一直都講野既？一到關鍵時刻都係佢幫我出謀劃策，今天咁危險點解冇出聲？！

我再次將注意力集中係狐珠度，狐珠越來越近北山老妖，佢既表情也漸漸浮現出一絲貪婪，我心亦越黎越緊張，如果比八婆拎到粒狐珠就大獲喇！





就係北山老妖既手就掂到狐珠時，突然劃過一條白色光線，霎時間，狐珠消失左！ ！ ！

北山老妖表現出好驚愕，顯然係冇過點解無端端唔見左粒珠！唔只佢驚愕，我都冇諗過頭先係發生左咩事！！

“哈哈！ 妖怪，竟然夠膽係本少地方搞事，你緊係唔知死字點寫！”一把熟悉聲傳黎

如果我冇估錯，，，依把聲應該係，，，，

一個男人身影跳到我面前，回頭關切對問：“星月，冇事嘛？對唔住，我架車行到一半爆呔！”





嘩！我果然冇估錯，依個人係捉妖人！你咁
瀟灑咁出場，但爆出一句“架車行到一半爆呔”！你真係點溝到女！？

但點解佢會知到今晚係度有事發生？！

依d問題浮現係我心入面

“你....你係度做乜野呀？！快d走啦”我對捉妖人叫


“唔係你腥whatapp比我，話比妖怪捉住左，就快將你生吞，凌辱？咩傳家之寶被偷！”捉妖人疑惑地望著住我

Oh my god！唔怪之得祖先一直冇講野，原來係度send msg！袓先真係咩年代既人架，好鬼醒目！真係好識執生！睇黎薑係愈老愈辣！

“啪”一聲，捉妖人係空中一個啪一下手指，我終於郁到喇！嘩，睇黎捉妖人並唔係白撞，有d料到！





“星月，你拎返你既傳家之寶，依度就交比我！”捉妖人伸狐珠塞到我手，轉返就去對付北方老妖！講真，捉妖人將狐珠比我果時，覺得捉妖人其實都幾型，心裡甚麼有d激動！

我屌！依個諗法千萬一定要改！唔通係因為變成女仔時間長左，對男仔有感覺？ ！之前對香香果次又係咁！仆街喇，我要快d搵返變返男仔既辦法啊！我唔要我仲係處男既時候，就終結我男仔既一生！

“死0靚仔，唔好咁口響！你地今日死期到！”一邊狐妖啤左我地一眼，隨即飛跳上半空，個樣好似放大招既前奏一樣！

“好呀！上次我冇帶法器，搞到係星月面前冇面，而家係一雪前恥既機會！”

捉妖人一邊講，一邊右手揮：“天地之氣，日月之華，憑此寶器降妖！”

一陣閃電似光芒匯集係捉妖人四周，漸漸凝結成成，，，，，，

一本書？聖經？