一教瞓醒變妹妹<<少少甜，卜卜脆>>: 第三十八章 解決方案

第三十八章 解決方法

一進入到醫院大廳，就聽到小依大聲向我叫“主人，，您終於返黎喇！！！”但係見到捉妖人，即刻收聲。

仆街喇，“主人”依兩個字竟然講左出黎！又要諗下點解釋！依兩個字好有SM feel, 偏偏又係兩個女仔互相作為主僕， 情況有d尷尬！

“主？主人？！點解咁叫你既？”捉妖人係我身後疑惑地問

“啊，啊，冇事呀，我地係外國玩慣左，好似花名咁稱呼！”我勉強作個理由，回頭一望，發現捉妖人既注意力根本唔係我依邊，而係望住幾排坐係度既病人。





坐係椅上既唔係咩病人，全部都係我d同學啊！佢地全部都係中哂北山老妖既毒氣！但而家條仆街突然消失，乜線索都冇留低到，咁點解毒？

但係好奇怪，我地班有四十多個同學，加埋Miss ，最多坐滿大廳裡兩排座位，但眼前成個大廳裡都坐滿左人！大多數都係對我地年齡差唔多，亦有d大人

等等！d人同熟口面既？我突然估到d野！不知不覺冒起冷汗

依d人咪係我地學校既老師同學生嗎！？屌！唔通係成間學校既人都中左北山老妖既毒，感到身體唔舒服先去醫院！

“大獲喇，，依d人。”捉妖人一邊用手托著腮講，睇黎捉妖人都知發生咩事





我突然諗起之前祖先話過，除左我地幾個之外，其他都中哂招！！

“你有咩解決辦法嗎？”我轉頭問捉妖人

“冇，，狐妖既毒只有佢自己能解開，除此之外我都唔知道。”捉妖人有d為難答

其實我一早就知道依個解除既方法，我只係抱住一絲僥倖，心諗或姐有祖先唔知道既方法呢，但係睇黎捉妖人知道既比祖先仲少！

“都係先打電話話比班長知佢姐姐已經被救左先啦。”





目前既情況只能講話好左一d，但係最根本既問題未解決。雖然狐珠保得住，但係人命就.....

打左比班長之後，冇幾耐班長就到醫院，見到佢姐姐，立即跑過去抓住佢既手，不停呼喚佢，可能我地班既同學中毒比較多，所以處於一種幾乎昏迷狀態，唔知道佢姐姐而家能唔能夠聽得到。

醫院裡好多病人，再加上現在係半夜，只有急診，安排就醫同住院就變得棘手。只能先搶救我地救出黎果一批，亦係最嚴重果批人先住院就醫。

忙完一切，班長堅持要係醫院陪伴佢姐姐，說點都唔肯跟我地走，我無奈地只好同捉妖人小依先返屋企。

捉妖人一路陪我同小依送到家，一路上都沉默，估計見到咁多人都仲處於危險，佢心入面都唔好過。

我同小依一入門，立刻將門關好，緊接著就拎出飛機杯，想問佢一d問題。

估唔到今天祖先居然先開口，“孫仔，我知道你想問乜是，唔洗太擔心，北山老妖既的目唔係黎殺幾個路人甲！佢的目的係狐珠，佢狐珠未到手一定然還會再來找你，依段時間d人仲係佢既籌碼，所以暫時唔會有生命危險。”

祖先講完之後我都鬆一口氣，就好似馬上就要考試卻突然改期要推遲兩星期一樣。





“仲有一事，祖先，天龍家係咩黎？好似同北山老妖有咩過節。”我突然諗起捉妖人既事

祖先諗左一諗對我講：“天龍家本係中原第一大捉妖世家，家族歷史應該有成千年，佢地家族世代掌門可以繼承家傳既法器，據說法器當年黃帝請仙家鑄造，總共有三層，一層為天怒書，二層為心之刃，第三層unknow，相傳只有得到成仙既人才能使用，唔好話係第三層，就連第二層亦係極少有人能掌握。”

我打斷左袓先”果個家族咁鬼勁，點解我從來冇講過？！仲有，咁同北山老妖有乜關係啊！”

“依個因由好長，而家話你知未係太合適既時候，總之你記住一點，千萬唔好係捉妖人面前暴露你識法術！”祖先意味深望左我一眼

我唔明白點角要對捉妖人保密，但係祖先一向考慮周全，再加上我本來都唔想比人知道我會法術，所以都冇乜所謂，袓先成日都講d唔講d，依個先令我最難受！ ！

“好喇，而家我地傾下點解決依個情況！”祖先向住我同小依突然講

“快d講啦祖先，到底有咩辦法？！”對於祖先既智謀我係非常放心





“為左令北山老妖死心，只有一個辦法！令狐珠消失！”

“消失？點消失？唔得！依個係我地既籌碼，冇左我地點解除毒氣？”