一教瞓醒變妹妹<<少少甜，卜卜脆>>: 第四十五章 返回日常
第四十五章 回到日常
小依成為南山墓主後，北山老妖只得撤走佢既毒氣，再加上小依無端端成為左八尾狐，北山老妖更唔敢招惹佢，為左驗證北山老妖到底有冇真撤走毒氣，我變成女仔特登打電話比班長驗證一下
“喂！你琴日，，，”班長好大聲地講野，但係聲音隨即就細聲落黎，我估佢可能以為男仔既我“星夜”打黎
“我琴日，，，做咩事？？”我故意扮奇怪語氣回答，其實琴日我當然好清楚發生咩事啦！而家我係星月，我必須假扮唔知道
“哦哦，冇事，冇事，我姐姐病好返喇！你地係點做到架！？”班長既聲音重新恢復平時咁
“依個我地見到面再講啦！嘿嘿，唔係一兩句就講得清楚，，，”我其實係因為要作一個足以蓋過全部事既大話謊，真係一個重量級編劇！需要一d時間制作一下
“我地今晚就出黎聚一聚！大家好耐冇一齊食過飯！記得，，，記得，，，”班長本來高昂既聲音又緩了下來，，，
“記得咩？”
“記得，，記得將你哥帶來！果日佢特登黎安慰，我會唔好，意思，，”班長突然害羞地講
“依個，，，我哥佢，，唔知黎唔黎到，呃，，，我盡量叫佢黎！”唔知點解，我而家有一種唔想令班長失望！ ！睇情況啦！
“嘿嘿，好啦！咁一陣我地book好左再電聯，晚上大家不見不散，唔好放飛機呀！”班長既說話，我感覺自己好似被人過橋，我好似踏中左陷阱咁
出去食飯，通知左靈風佢地，自然開心死佢啦，因為終於又可以係我身邊，，而家連香香都係咁，，都唔知係喜定憂，至於捉妖人，佢一聽到晚上要一齊食飯，開心到係電話中大叫，我估佢又開始係度又蹦又跳！
飯店最後book左係靈風家旗下既酒店！正呀！依間酒店係五星級，我係一個窮撚，又點會消費得起呢！唔洗講，依頓飯又係由靈風完完全全包辦，個死包仔真好命，識投胎！
我地定在晚上六點等，六點半先開始食，一般酒店都大概係咁既時間，我地約左係酒店門口見，但係我卻對著人地大門面前迎賓噴泉睇到眼定定，甚至好想落去玩下，，因為裡面既水真好正，湖水藍清清淡淡，同整個青石大淺潭非常搭配，水底仲有暗色調鵝卵石，，，我好鐘意依種水池藝術，因為比人一種好舒服既感覺！
我忍唔住蹲係水池邊用手撥弄池水，池面似平靜，實則一直係流動既水面，，，不知不覺就引來很多人的圍觀，，，好彩我而家係女仔身體，顏值高已經突破天際，唔係既話一早比保安已經將我扔出花園！
我男仔既鐘意水池會話我“乸型”，而家係女仔，可以隨便玩都得！而家縱使有好多人圍觀，但係我仲係唔想走，，哎，睇就睇啦，反正係佢地眼中，而家係有一個貌若天仙既靚女係度賣萌玩水！
果然，我縱使咁公然搞起咁失禮既行為，但冇一個人上黎阻止我，反倒都一副陶醉望住我玩水，，，現實，果然係睇樣，，，
咦？！我屌！我掃視圍觀班人時，居然見到靈風！死仔包一臉陶醉樣on99咁企左係度！
死仔包，我地唔係黎食飯架咩？！仲要一副傻瓜樣企係度到！！
我岩岩想起同佢打個招呼，突然腳下一滑，身體頓時重心唔穩！屌！仆街喇，快做落湯雞！
如果空中或平常走路時重心靈唔穩，憑我女仔既身手可以非常輕鬆穩定回返黎，但我而家蹲係度！再加上身邊冇野可以捉住，離水面又咁近！
於是乎，，，我“噗通”一聲跌入水池裡！屌！我點食飯好？！d水雖然非常乾淨，全身濕哂！我而家全身都濕哂點嘆五星級大餐，依個係我落水第一個諗法！
我一野撐起自己，緊接就見至兩隻手伸到係我面前，我抬頭一看居然係靈風同捉妖人！頂！我估捉妖人亦都係一齊望住我玩水，只係我見佢唔到！
佢地兩個同時伸出手比我，兩人眉宇間立刻就爆發一場無聲既戰爭，氣氛令在場既所有人都能感覺到，，，
“哎呀，年輕人真好，好青春偶像劇既感覺，，”
“唔知靚女有冇男朋友呢？”下面既人群裡睇到依一幕就開始嘰嘰歪歪既議論，，，
唔得唔得！而家唔係獻世既時候！我同時拉住兩隻手，然後輕輕地就企起身，，雖然我根本唔需要佢地拉，但都比佢地一個表現既機會吧，，，作為朋友，唔比面既話就太尷尬喇
“星月，我先帶你去酒店女浴室沖個涼？如果唔係你好易凍親！”靈風一臉關切地對我講
“恩，我地快去吧，”捉妖人亦關切應和，真係好少見佢地行動一致，睇黎係對我“安危”問題上，佢地就可以放棄“戰鬥”統一戰線！
“但，但係我冇衫可以換！”我最擔心係衫既問題，祖先今天雖然係包裡，但冇理由叫佢公然變一套新既出來黎，未免太冇說服力，同埋會令佢地起疑。
“衫嗎？我有備用哦。”一個細膩動聽既女聲從我地身後傳出黎，我一回頭，香香就企係我地身後，，，
“我車一般都會放一set衫備用，，我可以借比你！”香香繼續柔和地講
嘩！爽死！香香著過既衫！咁我咪好似同佢有肌膚接觸咁？我諗諗下差d就興奮過頭
“好呀，好呀，真係多謝你！”我有d激動回答道
小依因為仲要熟悉下自身既法力，所以要係屋企一陣再黎，我已經話比佢知位置，佢咁聰明係唔會行錯路，所以我而家擔心既係我自己
“咁岩喇，星月你就同我妹一齊去女浴室，佢對果度好熟悉。”靈風既說話突然打斷我既思考，，
“哦，，哦，，，好啊”我諗都未諗好，就爽快回答，但係立刻我就意識到有問題！ ！ ！我屌，而家我去女浴室，咁即係，，，，
要入女澡堂？！ ！