一教瞓醒變妹妹<<少少甜，卜卜脆>>: 第四十八章 往事上篇

等捉妖人將我同小依送到屋企後，我地互相道別後就各自返屋企喇，關於果封奇怪請柬我並冇講比其他人知，雖然我認為可能係惡作劇，我都係將依封奇怪既請柬保留落黎。

小依到屋企以後已經醉到企都企唔穩，一達落床就瞓，我幫佢蓋好被之後走出廳

我拎出請柬，比祖先睇睇，分析下係咩意思

“祖先大大，你可以幫手睇下依張野係咩意思？係咪有人惡作劇？”我半開玩笑對祖先講

“呵！仲有人發請帖比你，唔係掛！會唔會又係d狂蜂浪蝶，別出心裁既情書吧？！啊哈哈哈”祖先開著玩笑接過請柬





祖先拎過請柬，一打開，臉色頓時大變，立即嚴肅地問我“張野係邊個比你架？！”，祖先個樣顯得非常緊急，甚至比之前我地同學中毒氣果次更著急。

一睇祖先依個架勢，我立刻覺得事情大有蹊蹺，並唔係我同祖先岩岩開始玩笑諗得咁簡單。

“咩事？張野有咩問題？”我唔明白

“死包仔，快d先話比我知到底係邊個比你！？”祖先講野時既語速明顯加快，睇黎係一個十分重要既問題

“我都唔知道係邊個，就好短時間比人撞左一下，係一個年輕男仔。”我被祖先突如其來既語調嚇一跳





“男既？你有冇睇清佢眼珠既顏色？！”祖先語調更加急迫

祖先一講，我回想頭先情況，雙散發著寒意既眼睛裡，眼珠好似，好似係，，，

“係翠綠色！”我大叫，而家諗諗下確實恐怖，因為佢果種唔係明亮既翠綠色，而是係一種顯得很深沉既翠綠，比墨綠色明亮一d，再加上果個人犀利既眼神，令人不寒而栗

“綠色眼珠！睇黎今次真係冤家路窄，，，”祖先嘆口氣講

“綠色既眼珠？外國人咪又係綠色眼珠嗎？你確定係你所講既冤家？”我有d好奇點解佢確定，其實我本人對飛機杯既判斷一向係深信不疑





“孫仔，你有所不知，葉家亦係風水大家，但更係一個秘密道術開發家族，有點類似於風水界重點科研創新部門咁，，，同從前天龍家係最好既盟友！”

“等陣！我唔想聽依d廢話，您快d同我講點解佢地成日都同你有關係？！”我打斷飛機杯既講話，畢竟家族歷史我冇乜興趣聽

“恩，，好啦，其實我而家唔係好想咁早話你知！”飛機杯語調漸漸平和一d

“好啦！您快d講啦！飛機...呃，祖先大大！”我集中注意力，下面的內容先係我真正有興趣既地方！

“係明朝，風水盛行，可以講係到一個極高既地步，世間又好風水家族，而當時受命於朝廷既就係葉家，葉家同民間最龐大，勢力同實力都係最強既天龍家一同合作，共同保護和運行中原既風水氣脈，但是如此龐大集團之下，樹大有枯枝嘛，難免有d腐敗同不能對外傳既醜事，兩家在明面上係幫助運行氣脈，但暗地裡確係想壟斷同占有中國大部分龍脈同風水之地，令其他世家根本上收皮，類似黑社會咁啦。”

“講到依度都未講到關我地藍家乜事！講關鍵重點啦，我就瞓著喇！”我再一次打斷飛機杯

“你個死包仔！唔講背景，驚你聽唔明之後既事！”

“唔通係我地藍家化成Ironman ，成功打破兩大國際公司公然壟斷，當然成功解救數以億計既人？”我講到自己都忍唔住笑





“呃，唔係呀，冇咩埃淫命，我地唔做淫野架！孫仔，當年本來都冇事，畢竟已經運行左一百多年，民間偏偏出左一個奇人！佢天生法力高強，一出世就用道術，無師自通，甚至可以參透天機，可以話係千年不見一人的風水天才！只係佢細家族出生，族里長輩都知道有如此高深既潛力定會被兩大家族迫害，所以一直隱藏著佢，直到佢長大成人，家里人認為世間除左生死簿外應該冇乜野可以傷害佢，等佢繼承家族，畢竟佢年輕氣盛，再加上自己法力高強，四處搶奪風水，更得到當時最富盛名長白山里既一條龍脈，從此名聲大震，一個新家族就此登上風水界舞台，這就係我藍家既最傳奇一個掌門人藍如天，亦即係本人。”

“停！個掌門居然就係你！祖先大大，你可以去做編劇喇！”我忍唔住驚呼！飛機杯啤左我一眼，繼續說道：

“藍家名氣一大，自然有眾多小家族尋求依附，加之藍家掌門比依附條件要比另外兩大家族好太多，所以藍家迅速壯大起來，並且成勢不可擋既架勢，後來兩大家族終於按捺不住，向藍家拋出同盟方案，大家都想拉攏依個新興既大家族，藍家自然亦好識做人，唔會唔比兩大家族面，從此風水界就出現左三足鼎立既局勢，本來係好事，可惜，，，，”飛機杯聲音低沉下去，好似傾到d好唔願意提起既事

我第一次聽故仔聽到入迷，靜靜地等飛機杯再開口。

祖先窒左一下，又開始講：“果時有一件震驚風水界既大事，長白山一代發現一條史無前例既臥龍脈！本係葉家最早發現，可惜由於從未見識過真正既臥龍脈，佢地條盲毛，當然唔會敢擅自行動，之後相約我地三大家族一齊去睇下，如若能利用好傳說中既臥龍脈，可以話令人道法精進無數，三大家族包括藍家，其實都對臥龍脈各有打算，只係互相利用，當我地三家真正來到長白山，點到臥龍脈既時候，一件令我一直到而家都諗唔明既事情發生！”

“果日我地打開龍脈一個支脈泉眼，想順住支脈探到主脈既具體方位，依個活動只准許三大家族掌門人進行，所以入去既人，就只有我地三個！進去後，一d異樣都冇，我地順著地下岩洞朝里不斷勘察，後來順住岩洞我地竟然來到一座人工修建地宮入口！然後，，然後就發生果件匪夷所思既事！”

“係我地發現入口後，我岩岩向前再走一步，突然就感到頭暈，根本控制唔到，我仲見另外兩位掌門同我一樣突然暈低，之後我就失去意識，，，”





“之後呢？！”我急切地問

“當我醒返之後，我竟然發現我瞓係岩洞外面，而跟隨我地黎果批人馬全部唔見哂！等我幾經辛苦再返到屋企。之後就聽到自從果次行動之後，天龍家突然冇原因地幾乎滅左葉家，但葉家少數倖存者竟然將矛頭全部指向的地藍家。最驚人既係，三大家族咁多人去搵龍脈，返黎既竟然只得我一個！”

“唔怪之得啦，咁好難唔係我地食屎喎，死淨...丫唔係，得你一個返到去！”