一教瞓醒變妹妹<<少少甜，卜卜脆>>: 第五十九章 女僕咖啡店
第五十九章女僕咖啡店
聽到依個人講野，我心諗我去左邊？好似我睇AV有時會聽到，“咦yea!!”唔好？咁似日文？！
“Sorry , can you speak English ？”我盡量保持微笑
路人搖搖頭，一副無奈既表情，又嘰里咕嚕講左一句唔知乜，然後就快步走左。
“主人！”小依對我叫，我見到小依，急步走向一佢，小依一個大擁抱，一手抱住我，頭不停係我胸前磨著！
“小依，你冇事？太好喇”我都回抱返小依，好久別重逢既樣！“主人，依邊係邊度黎架？點解我地突然黎左依度?”
“我都唔知道，但聽頭先果個人好似講緊日文，我估我地係日本掛，祖先呢？”我周圍望祖先既踪影，“主人，好厲害，識另一種語言!”其實我唔好意思話我係睇AV學返黎！
終於係公園一張長櫈上搵到祖先，“祖先，依度邊度黎架？”祖先搖搖頭表示唔清楚
睇一睇四周圍，係一片非常寧既小公園，而周圍卻都係高樓林立，應該係一個市中心裡面既公園。除此之外冇其他異常，唯獨令我有d奇怪既地方就係感覺依度d空氣好清新，但好似少左d野咁！
但係少左d咩？我又講唔出
“主人，您果位朋友呢？！”小依突然轉頭問我
一聽小依一講，我如夢初醒！係喎！捉妖人呢？ ！佢都係個台上，會唔會同我地一樣黎左依度呢？如果黎左，咁佢而家人係度？ ！
“唔好再係度磨！走出去市區睇下，搞清楚依度係邊度！”祖先企度地上抬頭向我地講
第一次俯視飛機杯，哈哈，覺得好搞笑！現在唔係搞笑既時候，我地要搵返捉妖人同葉恬！我一蹲，抄起祖先就放入袋中，如果我地真係係日本，咁就大鑊，好多人知道依個杯係有咩用途！快d收起為妙
依度離市區唔遠，出左公園就到，市區內滿都係高樓大廈，街上人個個都行色匆匆，馬路上亦車來車往
行行下，我覺得我應該估岩左地方，因為到處都係日文！雖然日文我唔識聽，大多數都睇唔明，但有d都估到意思，因為日語招牌有少少漢字夾雜係裡面！
屌！ ！ ！ ！唔會掛！唔通葉恬搞左個國際航班，將我地送到日本？ ！仆街喇！我地做左II,我地咁仲唔係屬於偷渡？！比人捉到要坐監架！
“主人，你睇下！你睇下！”小依在我正沉思如何混過海關回國時，猛然地拍左我一下
我抬起頭，順著小依手指既方向，睇到一家咖啡店，貌似係，，，係女僕咖啡店！而且唔係其他女僕店！就係之前小依係網上見到果間！門口仲有兩個可愛女僕向行人散發傳單，依一下可以徹底確定係日本！
我立刻明白小依點解咁激動拍我肩膀！因為佢雙眼發光，一副“我地可以入去嗎？”既表情望住我！
“唔得！我地唔可以入去！其實我唔係好識講日文，更加冇日元！！”我立刻拒絕小依既提議
其實我都非常想入去睇下，女僕咖啡店，有邊個男仔會唔想入去睇下，而係確實肚餓！比𦭓
但無奈一蚊都冇，唔用真係食霸王餐，留係度洗碗咩？
“孫仔，錢同語言方面你唔洗擔心喎！想入去就入去睇下囉！”祖先係袋傳黎“淡定有錢剩”既聲，佢一定又估到我既苦惱！
“唔通祖先您有日元？或者有google translate？”我同祖先講笑
“傻既，你諗下我地家族係靠咩起家？！”祖先係袋裡一臉自信地望住我
“我爸係工程師，我媽都係工程師，科技世家！”我故意拆祖先台，嘿嘿
果然，祖先一臉“你走！我冇你依個孫仔！”既表情
“講笑咋，唔好嬲啦，我地藍家係超級風水世家，祖先大大係我地家傳奇人物，祖先大大您有咩辦法，快d講啦！你可憐既孫同小依就餓扁喇！”
“好啦，見你把口咁乖！依招道術叫通靈萬物，係我地藍家既獨門秘術，係芙蕾雅湖個口元氣裡面亦有依個功能，你應該亦有氣脈同外界相通感覺吧！我幫你開通等你頓悟。”祖先望住我慢慢伸手點向我隻手
冇錯，祖先講得好岩，從果陣開始我確實能感到同外界相通，能感到一d環境既變化。
“依招道術類似於你地所講既心靈感應，唔止係咁，有左依招道術，可以跨越語言障礙，甚至可以跨越種族障礙，連動物，自然界都能互相交流。”祖先顯得一臉得意
自然界？wow,我諗起我中化堂學過乜鬼“天人合一”，唔知地府通唔通到呢？可以做問米，應該幾好搵錢，嘿嘿！啋！男人老狗做乜鬼問米！
“咁日元呢！你可以變出黎？！”我露出興奮既表情
“孫兒，道家之人點可以用道術做d咁低劣既事！”祖先半開玩笑對我講
“咁點算？！冇錢好大獲喎！”我有d急喇，感覺好似比袓先玩返轉頭
“果度！”祖先笑住講，同時把手指向一邊一棟建築。
我同小依便順住佢既手望過去，只見係一間國際銀行！
搞左咁耐，原來最後係要我自己去換錢！屌！講到咁玄，仲以為真係可以變錢，仲好問我地家族係靠咩食飯！ ？
於是我地又穿過密集既街道，引黎無數注意甚至有人走上黎搵的同小依影相！日本痴漢何其多，明明十分鐘可以行到銀行，搞左半個鐘先行到過去
到左銀行，靠住通靈萬物，我順利將錢換出黎，幾乎冇講文字，但雙方就知道該對方意思，簡直就心靈交流！依招拎黎溝女仲唔係屈機神技？！
出左銀行，我就直去女僕咖啡廳，一路上我真係有d興奮，實在太好奇！而小依就更加唔洗講啦，佢個樣激動到簡直似聖徒去聖地朝聖一樣！
向門口兩位卡哇伊既女僕向我地鞠躬之後，我地就迫不及待推門進入，一入去，我就呆左！因為我正見到一個熟悉既身影係裡面大吃大喝！
“龍，，龍至信！”我大叫