一教瞓醒變妹妹<<少少甜，卜卜脆>>: 第七十八章 天童
第七十八章 天童
“你確定冇記錯？！”我驚訝地對祖先說，
“恩，你諗下，天下能對葉恬造成威脅既有幾個人？！”祖先回答道，
屌！d百歲人魔，都唔化既，岩岩黎左一個六百幾歲既葉恬，而家又黎多一個同齡天目！祖先果三百幾歲真唔算係長壽啊！同其他同行比壽命簡直輸左成條街！
“天目，佢都銷聲匿跡好耐，，，”身後傳來離的聲音，佢岩岩一直同我保持一定的距離在跟住我，現在見到會面既人走左先過黎。
我轉過頭望一望離姬，疑惑地問：“你都認識佢？”
離微微地笑一下，一副不屑既樣說：“識得召喚心之刃既一位小朋友姐。”
小！小朋友！離姬講既話未免有d太貶低依位天龍家掌門！但係離姬既年齡我都唔係太了解，估計都會超級年長！離姬係上古傳說裡寶刃！
“算喇，唔知你地想打乜野如意算盤，但而家，你同我立即返去惠身邊！”離斜著眼睛睥我一眼，
本人頓時一打冷震，氣場完全唔似係人地的對手啊！
返店既路我吸取之前教訓，直接就行返去！
係路上，一種莫名感傷就湧上黎，現在遠在海外，唔知靈風佢地邊點呢？ ？最主要係學校，幾日冇打電話返去請假！唔知佢地會唔會已經報警喇？ ！而依邊的事撲朔迷離，儘管有少少進展，但對解開謎團似乎仲有一段路！
“孫仔？孫仔？你又係度發夢呢？！”祖先用通靈萬物叫我，
“哦，哦，冇呀，冇呀！”我趕快回答，被祖先一提醒先發現。居然已經到左cafe門口，一路上簡直真係好似祖先講發緊夢一樣，因為我全程諗緊野。
一推門入去，就見到惠的笑臉，令我心情好多了。現在店裡已經準備關店，除左惠，小依，我之外，店裡已經冇哂人，而東山老妖，每日夜晚
佢都要提前離開。
“你去左邊呀，星月？到而家先返黎。”惠問
“啊，我都冇去特別既地方，係附近行下，畢竟我第一次黎日本嘛。”我裝著一副冇既樣搪塞
“係喇，我果位男性朋友呢？”我掃視一圈，並冇發現佢既踪影
“哦，你果位朋友出去整IDD電話卡，一陣應該就返黎！”惠邊收拾邊回應
呦！睇黎捉妖人幾識做野，而家要有方法通訊確實非常重要，亦必須要有的！
就係依個，整個店裡猛地被強光閃左一下！亮度好似閃電劈中門外一樣！
我女仔身的適應能力超強，只係眨一下眼睛，視力就回復正常，見門外企住一個一身白色衫褲男仔，彷彿從天而降一般！但最讓我驚訝係果位少年居然兩手各提一道閃電！ ！ ！
“恩，發生咩事？被雷劈嗎？”惠瞇著眼睛問我，佢隻眼未從閃光中恢復過黎。
“我，我都唔知道！”唔知點解，面對眼前依個比我女仔身更矮既男仔，竟然有一種講唔出的壓迫感！
“快走！從後門跑出去！！”祖先突然在包裡對我地大聲叫！
我一驚，睇黎來者不善！於抱起惠就朝後門衝去！不時還回頭望一望門口奇異果個奇怪男仔，唔知道係咪日本d人夜晚好少出街，現在九點幾，但冇一個人係附近！
但出奇地個男仔並冇好似我想咁追住我地，而係企在原地唔郁。
唔理佢喇，我地走佬要緊！於是我抱住惠，同離姬一同飛奔跑出大廳，從廚房後門衝出去！
結果我地一打開後門，又係一道閃電！我趕忙用手摀住惠既眼睛，自己勉強睜開眼之後，不禁大吃一驚！岩岩在店門口既男仔，現在居然赫然又出現係我地面前！難道化瞬間轉移？ ！
仔細一睇，佢拎住一條長長既鞭，佢一甩手就要劈下手裡一條閃電！
說時遲那時快，由於佢起手動作太快太快！我還未黎得切反應，身體已經被推向一邊，岩岩我地企既位置立刻就被閃電劈成兩半！ ！地板開口處還散發著燒焦的氣味！
係離姬，好彩佢救左我一命，我現在還心有餘悸，也太突然！痴9線架，邊有一見面就用閃電鏈劈人？！
“細路！你既天怒書練得唔錯喎！”離向著那個男仔說，但個樣同語氣，頗有d嘲諷的感覺，但對方好似冇想回答的意思，眼睛只係一直望住，，，望住我個袋？ ！
我立刻意識到！依條友目的可能唔係我地，而係祖先！再加上離岩岩講他係用天怒書，咁可以幾乎肯定，佢係天龍家既人！
不過講到天怒書，佢手上果本點解好似同捉妖人手上唔太一樣？最起碼既「書」，佢兩手上並冇任何閃電凝成既書，而係空空的握著兩條不斷變化的閃電鏈！
岩想更細緻的觀察一下，結果佢又一下雙手齊用，黎一個平斬的動作！依一次我立刻反應到，只係一個下蹲，輕而易舉避過佢果招！對方並唔肯罷休，兩手再次揮舞起佢兩條閃電鏈向我進攻！
佢既閃電鏈的威力，我從佢打中既物體就可以睇得出佢威力必定唔野少！我既身體唔知頂唔頂得住！ ！
“快，用我！”離在另一邊睇住四處亂跳的我大聲叫！
然後立刻化做一道黑色的閃電，變成刀出現在我的腰間，我自然二話不說，直接拔出把寒光閃閃的刀刃！
仆街！我一d都唔識用刀，打monster hunter 咩？即使拔出離姬，亦只能同頭先一樣四處避！
“你係度搞鬼？！係度玩雜技？！有左我仲會怕佢果本玩具書？！”離姬在心裡同我講
“唔得啊！佢既攻擊距離太遠，攻擊範圍太大，我埋唔到身啊！”我回應
刀既設計戰鬥範圍比較小，就是想在近身戰鬥中更加靈活，而我主觀上選擇遠攻，自然覺得無從下手！
我屌！咁避落去唔掂！眼前的閃電鏈漫天飛舞的向我撲過黎！今次簡直令我無法躲藏！ ！
係最關鍵的時刻，祖先居然從袋裡一躍而出，喊：
“夠喇！天童！”