一教瞓醒變妹妹<<少少甜，卜卜脆>>: 第八十章 講大話
第八十章 講大話
“星月！究竟發生左咩事？！”捉妖人的聲音幾乎激動地顫抖
“啊！！依個，，，”講真話，我而家根未諗好點講大話，畢竟小依的八尾已經展現在眼前啊！
“其實小依係，，，”我盡量拖延時間，比我的大腦更長一d運轉時間，諗一d比較妥當既理由。
捉妖人眼定定望住我，一副打破沙鍋問到既底既樣，今我感覺到今次唔係咁容易暪騙過去！
“好啦，唔呃你喇，其實小依係我地家既守護神，世世代代保護著我家族人！”我裝作一副言之鑿鑿既樣，其實我係度作故仔。
“守護神？你家裡難道亦都係風水世家？”捉妖人的疑惑起來
“係，係啊！你睇下依把刀，亦係我家祖傳！”我故意指一指我手中的離姬，其實我諗住舉一個有個實物黎加強說服力，加上把刀咁特別獨有，更加容易令捉妖人相信係我家祖傳之刀
捉妖人聽完我講之後，就低頭望一望我的手裡的刀和腰間的刀鞘，不禁一震，不自覺地朝後退一步，抬起頭，臉上滿面驚訝的神色！
“依，依地刀真係你家祖傳？！”捉妖人嚇到講野都口窒窒，同時語氣裡帶有一d唔敢相信既聲調，
“真係架！我呃你做乜呢？你睇下而家守護神同神刀都係眼前，你仲係唔相信嗎？”我加強語氣，以取得說話的主動權，加上比捉妖人諗得我太多野對祖先存在既情況可不妙，要快d令佢相信至得！
“但，，但依把刀係離姬啊！！你知道離姬係咩概念嗎？！”捉妖人臉上依然係唔敢相信的神情，激動的程度不比睇到小依係八尾的時候輕！
“我知道！我知道！”我一面應一面趕緊回頭幫小依將佢八條尾巴收起！
“天哪！真係人不可貌相！見你柔柔弱弱既樣，估唔到咁猛料！唔只有八尾做守護神，甚至離姬都係你家祖傳！”捉妖人一手摀住頭，一手撐著腰，一副我要靜靜既樣！
好吧，見捉妖人一副唔想說話既模樣，我都唔勉強佢，見佢咁既樣，佢應該都相信我講既大話！我一轉身，又諗起另一件事。
“係喇！”我走向背住我企係一角既捉妖人叫
“恩？咩事？”捉妖人慢慢轉頭過黎
“呢個，你同屋企果邊聯絡到嗎？”我故意用女仔嬌嗲聲線同捉妖人講
“哦呢個啊，你放心，屋企果邊我都交代好喇，佢地都心急死喇！”捉妖人聽我問一個普通的問題，表情比較緩和
呼！似乎現在已經冇事，捉妖人被我扯開話題混過去，而學校果邊情況已經搞掂，可以安心一d，，，
但，，仲有一件非常重要既事啊！ 就係眼前依一片廢墟點算？ ！ ！依間係東山老妖佢老人家既寶店啊！ ！ ！好彩夜晚依度基本上已經沒人了，如果唔係一報警，我地就仆街喇！
“咁點算好？！如果店長返黎，見到間店咁既樣，我地死硬！”惠亦跑過黎問
惠擔心既野同我一摸一樣，咁大個爛攤屎，冇可能收埋唔講，一樓的大廳幾乎全毀，四邊牆甚至打爛一幅！ ！
“冇事既，我地就照實話講啦！”我望住惠說
“講當然冇問題！問題係你認為店長會相信嗎？！我地講出黎應該冇人會相信吧！！！”惠急到不停踱步
“唔緊要！我話你知，依個世上有人會唔相信依番說話，但我有信心我地店長會相信！因為，，，”我想繼續講，祖先在袋裡打左我一下，我立即閉上嘴，
“恩？因為咩？”惠好奇地望住我，
“啊，，啊，，依個嘛，因為我地店長同我地亦係同道中人啊！！”我咁講，佢應該知道係咩意思吧，，
惠停左一下，睜大雙眼問：“唔通我地店長都係一個變態？！！！”
屌！我發夢都冇諗過佢會爆出一句驚世駭俗的回答，簡直令我笑爆咀！亦不禁感嘆我原來係佢既評價就係依2個字 ！
“咳咳，唔係丫，，”我想繼續辯解，猛然發現有d唔對路！岩岩倒塌既一面牆竟然現在只塌剩半邊 ！
我唔敢相信，趕忙柔柔自己隻眼，發現一閉眼一睜眼，連半面冇埋！只剩三分之一的牆仲係塌緊，發生咩事？ ！難道我第一次睇錯？但冇理由睇錯兩次吧！
我驚訝之餘，趕緊拍一拍惠的肩膀，叫佢回頭望，同時我亦叫左小依同捉妖人，大家對現象都感到非常驚奇！
再一仔細見，不得了！ ！ ！地上碎裂的磚石竟然自動拼接還原，然後結構支架自動伸到牆裡，唔洗半分鐘，果面牆就已經完好如初！ ！ ！
我地幾個都睇到呆左，真係從來未見過咁其特既一幕！
打開門，發現裡面既家具和裝修也都恢復如初，一切就們係乜都發生過一樣！甚至連一dd划痕都冇！
不過也真係一個驚喜，唔洗自己執依攤屎！一時之間我地幾個都莫名的開心起來，好似憑空免去一場大責罰！
已經好夜喇，我地各自回房，今次小依同惠住一房，我去小依的房間住，畢竟人家惠已經知道左我原本係男仔！
惠一聽我講決議之後，臉上立馬浮現出一種淡淡失望，但佢天生不會隱藏情感，所以我一眼睇得出，恩，但唔知佢失望d乜，現在我關心既係另一件事！
返到房之後，關上門，我拎出祖先，畢竟晚上要佢老人家瞓係袋度好似唔太好，
祖先一般唔會主動說話，但今天一入房，竟然主動對著我說：“孫仔，你有冇諗過一個唔符合常理既問題？”
我覺得好奇怪，祖先到底想表達d乜野，就回到：“咩問題？我地而家發生既野都冇符合過常理，哈哈”
“就係小依既問題，果粒千年狐珠係點將佢變成八尾？按理講根本上冇可能，千年狐珠連八尾既三分之一都變唔到。”
祖先咁一講，我也估到，其實依個問題我好早就諗到，只不過因為後來發生既事所以淡忘左，今天又見到小依變成八尾，不禁再一次勾出依個問題， ，，