一教瞓醒變妹妹<<少少甜，卜卜脆>>: 第八十五章
第八十五章交易
腳步聲聽得我心裡一陣發毛，嚇到把剛伸出去的腳又縮返黎，並且向後退兩步，靜靜地觀察著依個樓梯。
祖先也凝神聚氣聽住腳步聲，樣子顯得很謹慎。
聲音越來越近，慢慢地，我都能見到人走下來的腳！睇黎應該係個苗條女性，但仲未見到個樣。
轉彎就可以見到佢既廬山真面目！到底係何方神聖！
當佢轉過臉來既一剎那，我真係嚇到呆左！
只見眼前既女性竟然就係東山老妖！ ！ ！
見到我驚呆表情，祖先笑著：“孫仔，我早就叫你做好心理準備。”
我眼睛直勾勾望住眼前東山老妖，嚇到講唔到野，盯左三四秒之後，我才回復反應，問道：
“你係度做乜野？”
東山老妖嘴角一笑，回答道：“依度係我屋企，我唔係度咁去邊？”
依句話聽得我一愣，屌！依度唔係葉家祭壇嗎？點解變左係你屋企？ ！我立刻就意識到一個極其重大的事實！
唔通，，，葉家既神，，，就係東山老妖？ ！
於我鎮定一下道：“你就係葉家既神？”
對方點一點頭，印證左事實！
“咁當年我地群人失踪係發生左咩事？！唔係話我知你唔記得左？！”祖先冷不丁的就拋出一句話，一下子把氣氛提升到一點就著地步！
但係東山老妖從容淡定，似乎祖先係佢眼中只係一個頑皮或冇禮貌既小朋友。
“藍如天，你地既事我當然記得，今天叫你地黎就係傾一傾依件事。''
“唔好咁多廢話，你開始講啦。”祖先微怒
東山墓主又一笑，就語速均勻地說：
“我修煉至今已經有一萬多年，我可以話睇住你地人類一步步成長同進化，我作為東山墓主也有差唔多八千多年，本來相安無事，我地狐族雖然早你地人類多年曆史，愛和平，意在平衡世間，所以即便你地人類後來崛起，我地亦冇諗過打壓，而是選擇共同生存，一係認為你地人類的數量眾多，二係覺得人類中也有懂得道法脈數和天地運行天才存在，如果能合力治理天下，可以將彌補我地狐族人數稀少問題解決，只可惜人類貪得無厭，和野獸幾乎無異，繁衍上千年，但帝王心中貪欲卻與日俱增，讓我地狐族非常失望，，，”
“直接入正題，當年既真相到底係點？”祖先一語打斷東山老妖既話！不過，祖先，您平時講野都係咁 ！ ！你終於明白我既痛苦喇！
當然，依句話我只係在心裡講啦。
東山老妖望一望祖先，一聳肩，說：“好吧，我就先從你地果時講起吧。”
“儘管狐族對人類感到非常失望，但係好既方面人類也在無形中幫助推進整個世界的文明建設，依個如果單靠狐族稀少民族黎完成既話，不知道要推後多長時間，所以我地狐族也就依然與人類共同生存，只係到左明朝的時候，人類風水學問趨於成熟，能掌握道術既人也越黎越多，以此形成的各個集團各個家族星羅棋布。終於有一天，一位傑出的人類風水師發現了狐族存在，人類的統治者對此大為震驚，就命令他們手下的一大集團天家，來對狐族進行“清理”。雖然佢地幾乎冇捉到任何一個狐族，但依然帶黎唔少震動。我地幾個狐王一致決定，解決掉天龍家，就故意通過我地幕僚家族葉家觸發今次“臥龍脈事件”。
聽左東山墓老妖既話，有d謎團都諗通！比如既然藍家係東山老妖既幕僚家族
“咁後來呢？佢地幾個怎麼失踪？人又去左邊？”祖先問道，語氣裡顯得不留餘地。
“後來葉家的掌門自然唔洗講，而你，藍如天，我地最早的計劃裡其實並冇你，因為藍家係世間成長太快，後來不得不加入有你既元素，不過你地背景我也都了解，所以當時我放過你，當年我地目標只有一個，就係天龍家掌門同一齊黎既天家精英。”東山老妖依然係慢慢回答，語氣一d唔著急。
“照你咁講，等我出來既時候，我地藍家隨從點解會唔見左？！”祖先心底謎團在今天可能終於要解開。
“依個你放心，除左天龍家既人以外，其他兩大家族既人我都沒有殺，僅僅不過係放到其他國家而已，至於你，藍如天我地當時還有一個重要的任務要你去做，所以你一定要留係中原。”
“我知道！接下來就要假裝天龍家滅掉葉家，從而打破三足鼎立的均衡局面，導致天龍家和藍家的大戰，通過我打垮天龍家，同時以此消減我地藍家的實力！”祖先居然自己憤怒講左出黎，居然自己就推理出黎！
東山老妖依個辦法其實非常的精妙！第一係將藍家隨從全部傳送到外國，當時係明朝！能出國的只有鄭和下西洋！佢一旦去左歐洲，依一世就冇可能返到去！既唔洗殺人，亦冇人可以洩密！接著，佢地故意留下祖先，並且讓葉家假裝被天龍家消滅，退居幕後，坐觀天龍家藍家兩敗俱傷，以此徹底打消後患，最主要咁一來根本就冇狐族出手，通過人類就把人類解決掉！實在係妙計！可見東山老妖城府有多深！
“不過可惜，依個計策出左一小小差錯。”東山老妖繼續說“就係臥龍脈入口時，我本想殺掉天龍家掌門，可惜依個人心機極深，居然係比佢孖生兄弟天城入龍脈，當佢同你一齊暈倒最後一刻，天目突然衝進龍脈，係最後關頭救出天城，我見佢地馬上要跑，本想殺左佢地，但依位天龍家站掌門斷尾逃生，除左天童外捨棄自己的全部隨從，三個人竟跳到藍家傳送圈裡，被我傳到國外！以此逃生。”
“你今日唔係故意黎我地聚舊，你搵我地到底有咩事？”祖先再次語出驚人，一下子氣氛又尷尬，
結果東山老妖不僅冇覺得尷尬，反而哈哈大笑“藍如天，你果然夠爽快，係！我搵你地黎係傾一個交易。”