一教瞓醒變妹妹<<少少甜，卜卜脆>>: 第九十三章
第九十三章天城
我自己入去？有乜可能？！果d霧唔係自己攻過黎嗎？ ！定係我從一開始就中左招？
經過萬物通靈裡既聲音係唔會呃我，咁我岩岩拖住小依，同聽到佢把聲全都係幻像？ ！我屌！比人玩到傻！
“你見唔見到我？！小依！”我用萬物通靈問，
“唔得，我見唔到你，只見到一大團白霧。”小依回復到，
此時身邊又響起小依把聲，簡直同真實既一模一樣，而家聽到卻詭異無比！
肯定係依d不知名既霧，依d霧絕對有問題，會造成人幻聽同產生幻覺！
我立刻凝結三團較大鬼火係身邊，同時用通靈萬物問小依：“而家見到我嗎？”
“見到喇！”小依今次既回應令我鬆一口氣，
“你千萬唔好走過黎，依d霧可能令人產生幻覺同幻聽，”
但我點走出霧圈呢？依個係我頭痛既問題！
「識執生」一向係我王牌屬性，於是我大力向上一跳，竟然將上半個身飛出霧氣！一瞬間，我見到小依正焦急不安企係霧氣之外，我立刻屏住呼吸，閉上眼睛就朝小依方向猛衝，不到三秒，我就感覺撞到一d軟軟淋淋既物體，
抬眼一望，果然係小依！
我繼續埋頭係小依胸前，先用通靈萬物問問眼前小依，睇下係咪真貨小依，
今次我確定係真貨，卻見到佢臉上有一點微紅問‘主人，你又想飲奶嗎？我試試變...變出黎...’佢自己動手向胸前亂摷，我趕忙說：
“啊！小依我唔洗飲住！遲...遲d先，，，”
拉住小依向後又退兩步，以確定遠離果團霧，依d霧我可是領教到佢既厲害，如果兩個人同時中招，咁就「大檸樂」喇！
霧氣裡終於慢慢走出一個人影，似乎一邊走還一邊鼓著掌。
“唔錯唔錯，睇黎藍家既後人係值得一戰，竟然破左我既幻術。”一個高挑偏瘦的身影說，佢雖然未完全走出黎，但係已經依稀可以見到。
終於，果個男人向霧氣外面邁出一步，一個身著白色西裝高挑男人，佢下半塊臉上竟然纏滿繃帶，好似木乃伊比人撕甩一半繃帶蒙面感覺一樣！
“廢話少講，你係邊個？！”我向佢質問，
“唔洗咁惡喎小妹妹，我叫天城。”對方因為蒙著繃帶，見唔到佢有咩表情，
係談話之中，我已經把離姬完全拔出，用刀鋒指向佢，佢雙手都插在口袋裡，似乎也諗住冇意欲進攻。
不過，我留意到天城使用既道術和戰鬥方式一d都唔似天龍家既招式！似係天龍家以與神簽訂契約而獲得能力，佢既能力卻不似其他天龍家既人。
天城突然身體向右一歪，直接就消失係我眼前！ ！ ！唔係掛，唔通又係幻術！
但下一秒，我就意識到，我可能更希望佢係個幻術！
天城已經到我身後面！ ！
我嚇一個大跳，同佢拉開距離，小依完全釋放出佢既八尾，似乎一場大戰就要開始！
天城到我身後並冇展開攻擊，依然係雙手插在褲子的口袋裡，甚至一d戰意都感覺唔到！
我地同天城維持僵持一陣，突然轉過頭來對我說：“點解要幫狐族？”
佢一問令我心裡泛起一個問號，似乎依個人都會講理，唔似之前癲佬天童一上來就用閃電鏈劈人。
“咁點解要捉我祖先！？”我也回一個問句，
“為左佢既自由！”天城慢慢地說，但眼神裡充滿激動
自由？咩意思？！依條友唔只招數奇怪，連講既野都咁玄？ ！
“你捉左我祖先，佢又點會自由？！”我向伍大叫，
天城無動於衷，無奈地搖一搖頭講一句：
“冇所謂啦，反正而家目的已經達成，等時機成熟，你就自然知道。”
講完之後，佢向天啪左一下手指，然後再次慢慢走入霧氣裡，隨著霧消失，，，
搞乜鬼呀？！本來我還以為會有一場惡戰，而家即係隆重登場？！
突然我感到胸前動左一下，低頭一望，竟然係666醒！我趕忙將佢放落地，佢立刻就變回人，居然一d問題都冇，除左連續兩天冇食飯導致有d虛弱外一切都正常！
我匆忙地講述一下事情來去，等佢明白而家既情況。
一切發生得太離奇！祖先果邊成功左嗎？頭先天城啪果一下手指就解除666既法術？ ！
望住已經消失係團霧氣方向既天城，我依然仲保持著攻擊姿勢，一d都唔，
就係依個時候，我電話響起，接通後裡面傳來祖先空靈聲音，
“孫兒，天目消失左！而家我地立即去同你會合，你地果邊點呀？！”
“我地剛剛遭遇天城，佢解除左666既道術後亦都消失！”我驚奇唔係祖先講既說話，而係祖先既語氣，似乎放下心頭大石一樣，儘管語調平緩，我仲聽得出佢語氣中帶著輕鬆，之前任何一次我都冇依種感覺！
“葉恬佢妹妹既道術都被解除？！太好喇，睇黎依幾個天龍家既人仲算係有誠信！”祖先回答，
誠信？咩意思，祖先應該同葉恬一齊，佢地就係勢不兩立敵人，而家卻講咩誠信兩個字！唔通佢地係山上達成左d咩協議？ ！
後來的事情就變得順利成章，由於天龍家消失，祖先暫時也無法完成同東山老妖既交易，但666被成功解救，葉恬亦答應唔會再黎搞事，我地當晚休息過後，第二天就各自打道回府，一路我一直問祖先係山上到底發生左咩事，但祖先總係笑而不語，根本唔想話比我知！仲有天城消失前對我講既說話，佢所指既“自由”到底又係咩？佢講既“目的達到”又係指d咩？ ！
依一切的一切似乎真係要等天城口中既“時機成熟”才能揭開！！
第一季完