【羅雨韋】
14:20
胡基言死後,有唔少人想搬佢個遺體入黎,但無奈隻怪物喺殺左佢之後就一直企喺門外,以一個極度挑釁嘅眼神(ps佢其中一隻眼裂開左,有D透明嘅液體同血液喺眼眶打轉,另一隻眼就好似有白內障咁濛濛湖湖)望住我地,好似對我地嘅無動於衷同食花生行為感到有趣,亦對我地目睹死亡過程後嘅反應感到意外。班中除左有幾個男仔蠢蠢欲動之後,其他人都無正常驚惶失措嘅表情,反而有種好似對死嘅唔係自己感到僥倖,但隨即又對自己嘅諗法覺得慚愧。

良久,kitty鼓起勇氣打破沉默:「有無人想落一落去睇下校門有無閂?」講完又係一遍死寂……

班上面有幾個人喺度你眼望我眼,搞左唔知幾耐,終於有人忍唔住,macy話:「咪羅雨韋呀,Tony嗰堆人去囉!反正平時又話自己學界第一,港隊足球,咁揾佢地去就實無死㗎」

Tony:「吓?又關我事」標準心虛嘅口頭禪





我:「Mile你走唔甩㗎啦」

Mile:「又係我?!」又一個口頭禪

kitty:「叫埋金正毛同樂基啦!」

樂基&金正毛異口同聲:「吓…………」

「砰」





門口突然傳黎撞擊聲,好幾個坐得近嘅人都嚇到爆粗。望向窗外面,見到怪物瞪住我地,再盲目咁撞向門口,睇黎佢唔識開門。有人即刻將最近門嗰張枱搬過去阻住(張枱係李佑年嘅,但佢而家唔知去咗邊)。怪物再敲左個玻璃窗幾下,奇怪嘅係玻璃窗竟然連一條裂痕都無,然後就將屍體一手抱起,再半跑半跳咁行走。

kitty:「咁既然蛙都走左,咁十分鐘後你地幾個落去啦!」

睇黎呢次走唔甩

14:32
我地拎住臨時嘅武器,包括生繡嘅刀(班會只有呢D垃圾)同交剪,仲有鐵尺。我都唔知當一D好似頭先咁嘅怪物黎嗰陣,呢D文具會有咩作用。始終都只係兩層嘅距離,一來一回都應該唔會有咩危機同怪物呱?再者,我地五個係之前越野賽嘅參賽者,我同tony樂基都有頭五啦,死唔去既~
(以上皆為自我鼓勵說話)
現實👇(兩分鐘前)




「你老母我唔去呀!」我話
「你咁鍾意去就自己去飽佢啦」tony
「呀副主席,你係咪縮沙先?縮沙正契弟呀!」歪兒
「你咪又係副主席!」樂基
「全班推佢地出去咪得囉!」
語出驚人嘅竟然係平時唔聲唔聲嘅張文柔,下一秒全班即刻用一個不好懷意嘅眼神望住我地。今次真係非去不可啦~

14:33
喺群眾壓力嘅影響下,我地只好逼於無奈之下只好頂硬上打開我地同恐怖走廊嘅最後一度防線。樂基行喺前頭,為我地踏出第一步。

「哇!仆街!」樂基大叫,原來佢俾門外嘅鮮血跣到五腳朝天(不要問只要信),當佢重新企返起身嗰陣,佢原本光鮮亮麗嘅校服俾噁心嘅鮮血染血,呢次真係柒出地球。

14:34
平安無事落左兩層,太簡單啦!而家我地距離外界只有一道淺藍色嘅鐵欄,金正毛伸出雙手,放喺鐵閘上再吸一口氣。
「咦?開唔到既?」佢雙手不停推拉鐵閘,發出咔咔嘅聲響




「無理由格,呢度明明都無鎖。」mile跪低研究
「喂,既然都開唔到門,咁不如去小食部撻嘢,分分鐘今晚都可能要喺呢度過夜。」Tony表示
全體同意後我地就前往小食部,再順便檢查一下前門。

14:35
後門同前只係相差一小段路,所以都好快到。我地分開左兩隊,樂基同mile去前門,其餘三個去食物部,考慮到實力問題……

後門去小食部經操場會快過行長廊(經長廊去前門會快D),而且唔知點解,硬係覺得操場會安全D。

14:36
啱啱到左小食部門口,正打算打開門入去嗰陣,竟然聽到喺不遠處傳急速密集嘅腳步聲,睇黎今次有排玩lu


※11/1再見,記住上李佑年睇嘢※
已有 0 人追稿