10:05
聽到叫喊,我哋嚇咗一跳。回頭一望,就見到一個身材相對較矮小嘅高中生帶頭向我地跑過嚟,各人心中警鈴大作,連忙往上奔跑。

到左三樓之後,歪兒正準備跑向我哋班嘅臨時居所,直覺告訴我要逃命,但係我捉住左歪兒。如果俾佢地知道我地嘅避難所喺邊,咁就九死一生啦!

腳步聲很大聲但好少,佢地三兩拼步就追到我地,以三角形將我地包圍。

「你哋想要D咩呀?不如我地交易呀~」moon嘗試言和

「我地收到嘅指令就只有殺!」一個高挑嘅男生怒視我地,係我地做錯左D咩?點解佢地個眼神咁怪?





語罷,佢立即舉起拳頭進行攻擊

佢啱衝咗一步,歪兒竟然一手將佢扳倒。

歪兒眼露紅光,束起衫袖,兩手擺出狼爪嘅姿勢,仲隱隱約約見到暴長嘅指甲,睇黎佢抽到「狼」。

歪兒二話不說就撲到其身上,進行毆鬥,全身上下都發出癲狂嘅氣息。

其餘兩個敵人都不枉多讓,立馬幫拖。





我地握起從實驗室拎黎嘅武器防守。

Joey燃點起一個科學炸彈,揼向啱啱發現我哋嘅嗰個男仔腳上,佢身處嘅地下燃起熊熊烈火,佢受到火燒嘅痛楚,就尖叫一聲連滾帶跑地滾下樓梯。

呢一場「遊戲」早已經將所以人性帶走,猶豫一秒,善良一瞬間,可能死嘅就係你,道德已經淪亡。

嗰個俾歪兒“獸性大發”而傷害嘅人,早已遍體鱗傷,全身佈滿血液同傷口,狀態可怖,昏倒喺地上。

但好似仲差一個……





忽然蔡沛後方冒出一個人頭,手上攞住界刀,筆直咁舉起。

我瞪咗佢一眼,佢就突然之間暈低喺地上,不醒人事。
已有 0 人追稿