是咁的，我嘅職業係動物傳心師: 7.兩種人

「我都愛你呀餐肉⋯⋯唔好死呀⋯⋯」

手心感受到嘅起伏，同微弱嘅心跳一齊停止；閉上的眼，再沒睜開過。

就算真的有動物傳心，我說，我愛你、好愛好愛；到你聽明白，卻再也聽不到了。

之後我就再無養過寵物，我傷唔起。

養寵物嘅人有兩種，一種係寵物死咗就會再養新寵物，就正如同情人分手之後，即刻同新嘅人拍拖咁，新寵物同新戀情，都可以幫人忘記傷痛。





另一種係寵物死咗，就唔再養寵物，就正如同情人分手之後，就無再拍拖。

我唔敢再養寵物，因為我驚，我驚失去嘅痛；我亦無辦法將另一隻寵物當成係餐肉嘅替身。

兩種人，唔使問都知係後者比較痛苦。