是咁的，我嘅職業係動物傳心師: 11.離開體制

《蝙蝠俠：夜神起義》入面有一段羅賓同警察對峙嘅戲。

羅賓想帶巴士上嘅小朋友過橋離開葛咸城，但警方怕恐怖分子會引爆核彈，所以最後寧願炸橋都唔畀任何人離開。

羅賓最後辭職唔做警察，因為佢唔想成為體制下嘅奴隸，唔想體制成為枷鎖。

我討厭體制、討厭組織，因為高你一級嘅人，即使佢講嘅嘢係錯，你都要話佢啱，除非你想無咗份工。

經過依單嘢，我開始做freelance，喺網上宣傳動物傳心嘅生意。