是咁的，我嘅職業係動物傳心師: 48.被幸福排斥

「娥姐，趁我仲喺度，你仲有無嘢同發叔講？我走咗之後又要下次約時間，先有人翻譯㗎喇。」

「喵喵！」

「佢同我講咩？」

我複述娥姐嘅說話，發叔聽完，錫咗三色妹一啖。

我愛你。





發叔帶住三色妹離開，微風吹動樹葉，沙沙作響。我獨自目送佢哋幸福嘅背影。發叔話遲啲會再搵我做翻譯，等佢久唔久可以同娥姐溝通。我不自覺咁嘆咗口氣。動物傳心師介入問題同不幸，當問題解決，就會被幸福排斥出嚟。