是咁的，我嘅職業係動物傳心師: 61.人道毀滅

重要到只要細貓唔瞓著，佢媽媽就有力量同失去五個仔女嘅悲傷抗衡。

既然細貓咁重要，消失丟低佢唔理就絕對無可能係佢媽媽嘅自願選擇，一定係有咩外力令佢媽媽唔見咗。

我即刻上網搵附近有無車死貓嘅新聞，但唔見有；唔係意外⋯⋯唔通被人捉咗去虐待？又唔似，如果係咁，附近嘅貓都一定都會瀨嘢，無理由淨係唔見一隻。

排除咗依兩點，加上細貓媽媽唔會自己走咗去，咁一隻流浪貓會消失仲有一個可能性。

「你喺度等我，我去搵個人再問下線索。」





我以前打工，就係負責依一區，返去問人就會一清二楚。

最壞嘅可能性──細貓嘅媽咪，已經被人道毀滅。