是咁的，我嘅職業係動物傳心師: 75.叫聲嘅意義

陳生好大方咁遞出手機，好似推銷員叫我驗貨咁：「當然無問題啦！請。」

我拎手機過嚟，逐段錄音聽

「咩⋯⋯咩呀⋯⋯」

「咩⋯⋯咩呀⋯⋯」

「咩⋯⋯咩呀⋯⋯」





「咩⋯⋯咩呀⋯⋯」

四段錄音就咁聽真係好似貓叫春聲，我唯有嘗試運用我嘅能力去理解啲叫聲嘅真正意思。

拇指再次撳播放掣。鼻頭一酸。

「金生？有咩唔妥咁呀？」陳生見我眼紅紅，難以理解我做乜，但都遞紙巾畀我。

我無辦法開口回應陳生嘅慰問。我終於明發生咩事，我終於明啞仔對細貓媽咪嘅描述有咩意義。





一切都可以串得起。

點解一隻絕咗育嘅貓仲會叫春。

啲聲似就當係⋯⋯

一直叫⋯⋯一直叫⋯⋯

好似望住啲嘢喺度叫⋯⋯





又長又高音⋯⋯

四段錄音喺我耳邊盤旋。

「仔呀⋯⋯女呀⋯⋯你哋幾時返嚟？媽咪好掛住你哋呀⋯⋯」

「仔呀⋯⋯女呀⋯⋯你哋幾時返嚟？媽咪好掛住你哋呀⋯⋯」

「仔呀⋯⋯女呀⋯⋯你哋幾時返嚟？媽咪好掛住你哋呀⋯⋯」

「仔呀⋯⋯女呀⋯⋯你哋幾時返嚟？媽咪好掛住你哋呀⋯⋯」

原來細貓媽咪唔係叫春，佢只係呼喚已經逝去嘅仔女。