「餐肉。」我擘大雙眼,淚水喺眼角滲出,滑落。

第一個見到嘅人,係一個細細粒、金色短髮、眼大大、少少包包面而且好矮嘅女仔。

「咦你醒喇?你暈咗嗰陣叫咗餐肉依個名七百八十四次。」

依個女仔好熟口面,但一時之間我仲未認到佢係邊個。

「我同Dada一齊嚟探你㗎,佢去咗廁所。」





我記起喇,係幫我嘅記者Miki。

「七百八十四次,阿餐肉一定係爭你好多錢。」

我嘗試喺床上撐起身,Miki過嚟幫我。

「唔該。係喇,本天貓café點呀?」

Miki露出自信嘅笑容:「結果比預期中好嘅。有人為成分又有天意成分,你想聽邊樣先?」





「天意成分先。」

Miki即刻高低眉:「你確定唔聽本小姐精彩絕倫嘅人為成分先?」

「唔聽。」

「搞錯呀。無啦,病人要聽話,等我講咗我啲威水史先。」咁你一開始就咪問我啦。
已有 0 人追稿