我係阿源: 3

同大家一樣，我中學既時候，我都有我自己既女神，佢叫阿玲。

我同阿玲同班咗幾年，如果出一個「中學時代我和同學對話句數排行榜」，佢應該係我既第一位，但我唔係佢既第一位，甚至係佢既最後一位，因為佢基本上同邊個都傾得埋。

佢同我講話佢第時想做社工。

唔怪得知佢同所有人都傾得埋啦。

當時，佢唔單只係我既女神，仲係全級甚至全校既女神，佢健談既性格簡直同佢把甜美既聲線成為絕配。





運動堂既時候，我總係坐係左近，唔出去打波。

一黎係因為之前既經歷，二黎我係温書温到好夜都冇精力打波。

「你唔出去打波既？」阿玲坐係我格離問我

「我....？我唔得嫁。」



「你得嫁，你出去啦！」講完之後，阿玲就推咗我出去足球場

並大叫「呢個人打龍門阿！」

然後我就被足球隊既神射手一腳踢過波埋黎，踢中我個鼻，當堂爆曬鼻血出黎。

阿玲即刻跑出黎，攞咗條佢平時用開既手巾仔出黎幫我抺血。

好香，好有佢既味道。



到今日為止，條手巾仲係我屋企。

為咗條手巾陣香味仲保留，我一直都忍住唔攞黎打飛機。