來，一場書展殺人遊戲: 第十四章

「如果大家有咩生理需要，都可以同大門既保安講。」
 
是這個了，如硬要說的話，這遊戲還算是細心和人性化，起碼願意解決我們生理上的需要。
 
但回想起一開始時，保安持槍恐嚇著我們的神情，其實我心中也是萬分不情願地走近他們，甚至是與他們說上一句話。
 
我和小布一步一驚心地走到大門，生怕一個不小心被立心不良的人看見我倆。不過……
 
「小希，你覺唔覺呢到好似……少咗好多人呀？」
 




我的意思是，不論是活口還是屍體，都好像沒有之前來得還要多。正常來說，就算會展內的人死光，他們理應會躺在血泊之中。
 
但係依家，連條屍都搵唔到。
 
「又好似係喎……」小希漫不經心，彷似是亳不關自己事般。
 
但整個會展，真的變得冷清清。
 
「保安叔叔，我肚餓啦﹗」
 




小希一句，把我從思潮中拉回來。
 
「你想食啲咩？」
 
那位保安亳無表情，一字一句的說著，活像一台機械人般沒兩樣。
 
「麥當勞﹗」
 
 
「傻妹，人地唔通出去買俾你咩……」我把話只講到一半，保安便打斷我道﹕「 想食咩餐？」




 
等等，佢真係會出去買麥當勞俾小希？
 
「開心樂園餐，要漢堡包同細薯條，飲可樂﹗」
 
「咁先生你呢？」保安轉過頭來，依舊是目無表情的問道。
 
「嗯……深井裕記燒鵝米粉。」我故意說了一個非坐車不可才能購買的食物。
 
「明白。」
 
保安欠身走進一間寫著「熱血時報」的攤檔裡。良久，拿出一碗燒鵝米粉和一個麥當勞紙袋。
 
「響一個攤檔入面，邊到可以搵到一碗燒鵝米粉出嚟？」
 




我因手持的食物而嚇得喃喃自語，並用筷子夾了一箸，只見蒸氣四起﹕「仲熱架喎﹗」
 
「入面……係咪咩都有？」我踮高腳尖嘗試查看裡頭，但保安卻用上自己的身高阻擾著。
 
「嗯。」保安輕描淡寫地回應了一聲。
 
「咁五加皮雙蒸廿四味涼茶豆漿加一粒龜蛋攪絆均勻在滴一滴墨汁有冇呀？」
 
當然，我沒有這樣問道，恐怕他拿出來時我已被嚇個半死。我只是問了他拿一瓶津路烏龍茶。
 
我呷了一口，果然是津路烏龍茶沒錯。
 
「天命佢都肚餓啦，叔叔你可唔可以拎啲佢食得既野嚟？」
 
小希就像是個未成年媽媽安撫著天命，希望她不再哭哭啼啼。




 
「仲有就係……可唔可以幫我個頭包紮吓呀？」
 
我想……這也算是一種生理需要吧。
 
就是這樣，我們三人換了新衣服，拿著一碗燒鵝米粉﹑一瓶津路﹑ 開心樂園餐﹑嬰兒食物和一把日本武士刀離開。
 
嗯？你問日本武士刀邊到嚟？
 
一開始主持人不是說過，保安會盡量滿足我們的要求麼？單單只是一把武士刀，我想保安一定有辦法變出來，畢竟……他連在深井的燒鵝米粉都能馬上拿出來。
 
嗯？你又問點解我唔拎啲大殺傷力既武器？
 
原因再也不能再簡單，我不會用。
 




我相信沒有多少個中學生，會懂得開槍吧﹗相反武士刀，隨便揮舞數下便是一條性命。
 
但我想剛才肥龍手中的手槍，和再之前長頭髮男的生果刀，應該也是從保安裡頭拿到手的。
 
甚至，可能呀俊身上既萬用刀，都係響呢到得到。