來，一場書展殺人遊戲: 第二十六章

「點解……咳……你會帶住啲中藥出街既？」我不禁因中藥的苦澀味而嗽了數聲並問道。
 
「練武之人，帶著幾個藥包旁身也不太過分嘛。」
 
禿頭男人豪邁的大笑著，好像生怕沒人知道這裡留有活口似的。
 
「點解……」
 
「點解你有咁多點解？」禿頭男人一面無奈的望著我，大約是覺得我是一個問題青年吧。
 




「對唔住……」
 
我別過頭望著小希，她正在跟和她差不多年紀的小孩胡鬧著，好不高興，小孩……還真是隨時隨地都能存在歡樂，不像大人的世界。
 
「細路，我唔知你到底係咩人，不過見你受咁重傷都仲咬緊牙關咁生存落去，一早就知你係一個真正既男子漢﹗」
 
禿頭男人前言不對後語的說著，但聽起來應該是在讚佩我吧。
 
「男子漢？我不知幾貪生怕死……」
 




我回想起小希剛剛不屑的表情，禿頭男人的讚揚還真是天大的笑話﹗
 
「凡事都係兩睇，你可以話你係貪生怕死，我都可以話你係男子漢呀﹗就好似太極咁，都係一正一負，以柔制剛……」
 
禿頭男人忽然在我面前耍起太極來，讓我汗顏滿面。
 
「細路，好好保護住你呀妹呀。」
 
禿頭男人止住動作，語重深長的說了這番話。
 




「點解……咁講？」我呆望著眼前的禿頭男人，英勇當中又帶點溫柔細心……
 
屌，鬼得閒同你地嚟個父子戀呀﹗我單純覺得佢係一個好男人都唔得？好心你地幾十歲都唔好有咁多性幻想啦﹗
 
「我諗你咁努力生存都係為咗佢啫，佢係你唯一既慰藉。」禿頭男人沒再多說什麼，轉過頭繼續耍他的太極。
 
……
 
慰藉？
 
我的思緒再次飛得老遠去了，如果硬要說這遊戲有什麼益處，大概只有讓人重新思考各種日常生活沒暇思索的事吧。
 
「咦？做咩呢到咁多人既，唔通又係一個陣營？」
 
﹗




 
這句話從我耳中飛快的跑進大腦，我立馬站了起來，看看是誰在說話。
 
「唔洗咁好禮貌企起身歡迎我喎﹗嘩，你隻右手去咗邊呀？」
 
在我面前的，是一個年約二十來的年青人，散發著一種不懷好意的氣色。
 
「再唔走，唔好怪我無情﹗」
 
禿頭男人換上了一副認真的神情，亮出他的飛刀恐嚇這位不速之客。
 
「你又唔知我係咪你隊友，你又點會殺我呢？再加上你地呢到有咁多細路……你都唔好意思響到開戰啦。」
 
這位年青人心思微密，一言道破禿頭男人。
 




「你過嚟呢到做咩？」
 
我馬上拖著小希並抱起天命，正所謂小心駛得萬年船。
 
「乜呢到有話過唔俾人入嚟咩？」
 
他別過頭望著四周，他的頸項有一條疤痕，看樣子該是剛剛弄傷的。
 
「你係咩人？」禿頭男人索性開門見山，只見這位年青人嘴角慢慢向上翹，邪惡的微笑著﹕「唔係好人。」說罷，從牛仔褲的褲袋掏出一張梅花二。
 
數字牌﹗
 
「呢到又打掃得幾乾淨喎，唔小心踩咗幾個腳印入嚟真係唔好意思﹗」
 
他ㄔ亍到一旁並拿起地拖把他剛踩進的腳印抹去。




 
我正想走前一步查問他，卻被禿頭男人伸手阻攔﹕「敵不動我不動，響我地仲未知佢身上有冇咩大殺傷力既武器之前，唔好輕舉妄動。」
 
「哼，好似好勁咁喎……」
 
只見他把地拖隨手拋到一旁﹕「槍，我就冇帶到嚟啦，再加上我都唔識用。」
 
「後生仔，不如開門見山，痛快少少好唔好？」
 
禿頭男人儘管叫我不要輕舉妄動，心中的不安感卻表露無遺。
 
「想我開門見山呀……咁唔好講咁多啦，嚟啦﹗」