來，一場書展殺人遊戲: 第三十九章

「係咩……」呀俊和呀豪的表情隨即變得低落。
　
「如果我地想離開呢到，有咩方法？」
 
JOEY問了一條我們眾人也想知答案的問題。
 
「１Ａ出口。」然而，在我腦海中再也沒有別的答案。
 
「但係佢唔係通咗電咩？」陳新從思潮中回憶起來。
 




「係，不過咁又點？」我反過頭問回立峰。
 
「吓？咁我地咪唔可以掂……」
 
看來，陳新也開始知道我心裡在打著什麼如意算盤了。
 
「點解我唔明既？」子銘再次像個小孩般舉起來手問道。
 
「１Ａ道門通咗電對我地都係冇咩太大影響，只要我地戴返隻膠手套，咪可以推開道門囉。」陳新替我為眾人解釋了這一切。
 




正當各位都擺出一副當頭棒喝的表情時，呀俊卻還沒明白﹕「等等先……咁點解你響嗰時唔同我地講呢？」
 
「當時環境咁危險，第一件事緊係走啦﹗唔通仲慢慢響到開道門咩。」
 
我反了白眼，其實在當時我根本沒有想到這方法。
 
「仲講咁多做咩喎，快啲行啦﹗」嘉穎眼見離開之期不遠時，便興高采烈的說道。
 
而就是這樣，我們等人便繞過剛與不知是人是鬼的東西打鬥的地點。為什麼？都快要可以離開了，還搞那麼多事情幹嘛？
 




「唔好意思，可唔可以俾對膠手套我呀？記住係膠喎﹗仲要我想接返小希同天命……」
 
我跟保安說出我的要求，而保安還是依舊的冷酷，什麼都沒說便找來一雙膠手套並把小希和天命抱而我手中。
 
「小希，醒啦。」我柔聲喚醒道。
 
「嗯？」
 
小希那天真漫爛的聲音，再次傳到我耳中。她，還是小希，沒有改變，從來也沒有。
 
「佢……就係小希？」
 
子銘皺住眉頭問道，可能是覺得有一個小孩在我們隊中，會有所不便吧。
 
「係，佢就係小希，佢同你一樣，張牌都係煙仔嚟架。」




 
我放下小希，好好的拖著她，這次我再也不會再你離開我眼前了。
 
「又會咁啱既……」只見子銘的眉頭皺得更緊。
 
「咦？哥哥你又係同我一樣都係Ａ呀？」
 
也許是什麼他鄉遇故知吧，小希見子銘也是Ａ時，便立馬滿臉笑容。
 
「所以其實你都係……」
 
小希正想把說下去的時候，子銘卻把小希的聲線蓋住﹕「我地都係Ａ﹗」
 
還虧我還擔心小希再看到呀俊時會有多害怕，小孩嘛……果真睡上一覺便什麼都忘得一乾二淨。
 




「齊人我地就出發啦﹗」
 
JOEY幫我抱著還在熟睡的天命，小希和天命這兩條小生命能夠生存到現在，還真算是一種緣份……我鐵定會好好保護你們，就算死，我也會﹗
 
「咁進哥佢地點算？」小希突然止住了腳步。
 
……
 
「佢地……」
 
我見他們都無言而對，只好輕摸小希的頭﹕「如果我地成大班人走既話，就好容易俾衰人發現架啦﹗所以我地就做先行部隊，出咗去之後就會搵警察嚟呢到救返進哥佢地架啦﹗」
 
我用眼神與陳新交談，示意叫他幫助安撫小希。而陳新也馬上和應﹕「係呀，你呀哥講得啱，我地一定會救埋入面出嚟﹗」
 
說罷，我們都互不說話，也沒有走動，只是你眼望我眼，心中也想著同一道問題。




 
「我地……出咗去之後，係咪真係會返返嚟救佢地？」
 
我實在不想因這遊戲而破壞了我的人性，儘管這世界也許與這遊戲大小雷同，但我都會依舊的走我別樹一幟的道路。
 
「會，我會。」
 
我低著頭，舉著手，再沒多講什麼。只見半空中，還多了七隻手。
 
「行啦，係時候離開呢一切啦。」