「我地……」呀豪待我們到了美食展,找到一個可藏身之處後凝視著我們眾人。
 
然而目光最後當然停留在子銘身上。
 
「係,我係呃住大家,好對唔住﹗不過我想講,如果冇咗我,你地係冇可能平安離開呢到。」
 
子銘平心靜氣地與呀豪的目光對上。
 
「點解?就算去到最壞打算,我地都只係要殺晒呢到啲人咪得囉﹗」
 




呀俊一言道破盲點。要是我們願意正常的參與遊戲,或許事情還未去到這麼糟的地步。
 
「冇可能,呢個遊戲根本就唔係咁。你地全部人都理解錯晒成個遊戲﹗」
 
子銘死命的搖頭,正思考該如何跟我們說起。
 
「既然係咁,你就從頭講一次,等我地知道我們身處一個咩環境。」
 
陳新所言甚是,我們連自己面對著什麼處境也未了解清楚,什麼平安離開根本是天方夜譚。
 




「成個遊戲我都唔係太清楚,但係你地要記住,呢到除咗你地之外,全部都唔係正常既人類﹗佢地只不過係系統入面既一個角色。」
 
子銘嘗試利用常人的語言把他想表達的事說出。
 
「咩話?得我地係人?」
 
JOEY得知這消息,驚訝得差點站不著腳。
 
「係,其實呢個遊戲表面係同嚟到書展既人玩,但係其實真正既目的,就係你地幾個。」
 




子銘掃視我們,想必他也猜想不到,為何這遊戲的目的,是我們數人。
 
「咁其他人呢?我既意思係……之前同我地一齊入嚟書展既其他人,佢地去晒邊?」
 
嘉穎也開始混淆了這眼前的是人是物。
 
「應該係話,佢地冇離開到佢地原先身處既地方,離開咗既係你地。」
 
子銘再次說了這些似話非話的句子,讓人更困惑。
 
「可唔可以……再講清楚啲?」看來,和我抱持同一想法的,不只我一個。
 
「你地一入嚟會場既時候,你地都同時離開咗你地原先既世界。呢個會場,好明顯唔屬於地球既一部份。」
 
子銘已用再也不能再淺白的話語把話說出。




 
其實,我們早就明白子銘說的話,只是,我們沒有一個人能相信他所說的,全都是事實。
 
「子銘,點解你要同我作對呢?」廣播傳來久違的聲音。
 
「我一早就睇你唔順眼,唔係做咩主動話要親自落嚟睇住佢地?」
 
子銘對著天花版喊著。
 
「你知架,咁多年嚟,都冇人可以同到我作對架喎﹗」廣播中的男子亳不客氣的自吹自捧。
 
「咁係因為我未出現啫。」當然,子銘也不甘示弱。
 
「有天堂,就自然有地獄,你係都要打開地獄之門,就唔好怪自己當初做咩揀呢條路﹗」廣播裡的男子聽似氣得很,連聲線也震顫。
 




有天堂,有地獄?
 
這句話,總讓我十分在意,我到底在哪曾聽過這句話?最令我不解的是,我一直對什麼天堂地獄總是嗤之以鼻,為何卻被這話困擾著我?
 
「咁我地依家可以做啲咩?」
 
陳新環顧四周,幸好還未有敵人走近。
 
「等。」子銘也望著遠方,也許心中正打著我不知的如意算盤。
 
「等?」
 
我重復子銘的話。等待不單無聊,還能打消自己的鬥心和意志,百害而無一利。
 
「好似你咁心急就死得人多啦﹗佢地在暗,我地在明。我地既一舉一動都俾佢地睇到晒,做咩都係冇用架。」




 
呀俊口雖這樣說道,但明眼人一看便看穿﹕他才是最按捺不住的人。
 
「好快,就會有人嚟搵我地。」
 
子銘冷眼的望著前方,彷似早已猜瞭得出接下來的事情。
 
安靜……
 
就連身後的小孩們,也彷彿感受到身邊的氣氛不太對勁而再沒玩耍。我們都靜靜的等候著前來的人……不,是前來的東西,他們絕不是人。
 
「嚟啦。」
已有 0 人追稿