搬咗屋隔離住咗件怪叔叔: 15. 邪術師

「應該係呢間啦。」

戴丁單人匹馬來到茶餐廳，叫阿季的的士司機早已經走了，而老闆如常看著電視，隨手遞上早就已經預備好的茶水，油膩感重的餐牌，戴丁一進入這裡已經感到不妥，中級天師的靈感很強，憑靈感都知道不尋常的原因在廚房。

「老闆。」

「點啊哥仔，想食咩咁？」

「西炒飯，同埋借個廁所用吓。」





「直行轉左行到最入，順便幫我叫入面條仆街出嚟樓面做嘢。」

戴丁對為何老闆不自己去喊感到奇怪，但他目的不是廁所就沒多問，廁所之路必經廚房，他小心腳步進入其中，就發現只有一位廚師，這個時間的確不需要太多人工作，他立即找到源頭，在廚房佬喝止前他已經將角落的東西揭開真面目。

一盤血紅不知名物體，似是活體但戴丁一生人也只見過一次的東西，曾是本土恐怖電影題材，將它加入碎肉中包成一顆顆餃子。

這是陰邪之物，怨氣極重，非是常人可以長期處理的東西，戴丁符咒在手，封了氣息，這盤惡心之物暫時無法再散出怨氣。

「PU你阿魔，你哋想死啊？敢煮呢啲嘢比人食！」





「你邊撚個啊？快啲走！再唔走我攞刀斬撚死你！」

廚房佬心知不妙，雖然此事與他關係不大，但他處理食材免不了同流合污的罪名，若果被戴丁報案鬧大，自己與家人的生活將會有很大影響。

「話咗唔好搞呢啲嘢㗎啦。」

廚房佬在自言自語的同時老闆都聽到廚房的事，立即進來處理，見到戴丁拿著他花上大價錢買回來的東西，怒目而視，想要殺戴丁滅口的樣子。

「你係邊個，你究竟想點？」





「呢層你唔需要知，你準備洗定八月十五等封鋪啦！」

「哼，幫手啦仲企係度做乜啊？！」

「我唔Q撈啦！你自己搞掂佢啦！」

廚房佬頭也不回的帥氣式退場，只留下老闆面對隊長，老闆一看就知道不通武藝，所以他第一步就是想拿武器，然而刀以及廚具皆與他有段距離，時間足夠隊長制服他了。

「你用呢樣嘢應該都係為咗啲所謂轉運，邪術呢家嘢唔係你想像得咁簡單㗎，傻西瓜。」

「你理得我，你開個價嚟，大家一人讓一步。」

「一人讓一步？」

隊長笑得有點過份，戴丁眼中的老闆根本就是個徹頭徹尾的混蛋，真是「茶記有個大仆街」，就在隊長想問老闆是不是姓陳的時候，後門又被打開了。





「我就知你個死仔有義氣，快啲過嚟幫手啦！」

隊長不是這樣想，因為後門進來的不是廚房佬而是靈感不俗的修行人，看髮色就知道是個街邊小混混，但他神色幽深不似凡人，靈感偏邪，怕是身上戴著邪物。

「何方妖孽？」

「喲，東區夜巡隊戴丁隊長，久仰大名。」

「我識你？」

「我一個普通mk仔，點會有幸同戴隊長認識。」

「咁你喺度扮熟想點？」





「無，淨係想同戴隊長做一場交易。」

「聞到你身上陣味我就想嘔，無得傾。」

「中天師雖然強但都唔係無敵。」

「我平生最痛恨除咗魔就係你哋呢啲借怨氣邪術修行嘅垃圾。」

「唉，咁真係太可惜啦。」

隊長感覺到一陣寒意，靈感強大的天師可以直接看到靈體，而Mk仔身上的靈體竟然不只一個，是一對嬰孩靈體，一個在笑另一個則在哭。

「陰時出世再喺吸第一口陽氣嘅時候殺死佢哋，抽走嘅陽氣再封入靈石作控制，傳統養鬼派手段，睇嚟你都有啲背景。」

「戴隊長果然不凡。」





「咁你應該知道我會殺死你。」

「如果你可以請隨便。」

靈體被主人控制給戴丁造成傷害，戴丁不知何時手中多了一柄桃木劍，貼上一張R級驅邪符，戴丁主動出擊。

桃木劍本身就有剋制靈體的作用，兩個嬰孩靈體不敢接觸，Mk仔也沒有手段回敬，在狹窄的廚房中他已經退無可退，桃木劍只要擊中，他就可以宣佈死亡。

「哼，血咒。」

mk仔突然咬破指頭，指尖血抹在眼皮上，變成最天然的眼影，指尖血是修行者常用的拼命手段，因為那是陽氣守關，除了人體三火，要算指尖血為陽氣之最，指尖血抹眼可以增強修行者的靈感，而且可以短時間煉出一雙靈眸。

「破陽氣，你想搏命？」





戴丁再道一句天真的小鬼。

「中級天師腳法。」

普通至極的名字，但威力驚人無比，一腳踢在Mk仔身上，靈體的凝聚也失守回歸靈石，mk仔暈倒，但老闆已經趁亂逃跑了。

可惡。

戴丁只能先解決邪物以及讓組織收拾殘局，最後將Mk仔交給總部人員處理，事關邪術師總部給予高度關注，他們一向低調，為何會突然出現在鬧市餐廳中，東區夜巡隊被授予最高調查權，一切機關明裡暗裡都會協助。

「邪術師班人無人性，大家一定要小心啲。」

Mk仔提到自己的幫派，頭目是一個叫葛欽的中年人，沒有姓葛的邪術師大家族，所以可以肯定的是這個頭目非是大有來頭，但應該與Mk仔身上的邪術有些關係。

隊長召開了一次重大的會議，而我終於都得到第一次參與重要任務的機會。

「目標叫葛欽，大家努力搵佢出嚟，一定要捉到佢返嚟。」

隊長很有幹勁而單眼佬又無精打采，Jessie神情輕鬆，而最後兩位不作聲的同事只是留在便利店沒有被安排行動。

「緊唔緊張啊，新仔。」

單眼佬不懷好意的過來我身邊，我能感應出他說的話必然沒有我的好處，但他也依舊說著。

「緊張就食一粒啦，請你食。」

吃什麼？

「可以降低緊張感嘅藥丸，甜甜哋，我加咗啲蜜糖去整。」

我半信半疑的樣子讓他自己先吃下肚子，我見他神色自如想要放下戒心之際，Jessie突然走了過來。

「單眼佬你又想搵人試藥？」

單眼佬面色急轉，我就知道他沒安好心，還好被她發現了。

「你地靜少少。」

隊長在前帶隊，一直來到一處工廠區，大廈不少，但都全黑早已人去樓空，只有某一橦有微弱的燈光在，十三樓，現在的我漆黑中都能看得清楚。

「嗯，麻煩啦今次。」

隊長嘆氣說出一句，這次連單眼佬都變得認真不再作死，看來真的是有大麻煩。