子文純熟地把的士泊好,拉起手制,關掉引擎,拿走司機證,鎖好車門,然後拖著累透的身體回到家裹
「碰!」
子文關上大門,把鎖匙拋到飯桌上,坐在空無一人的客廳沙發上...
「鈴鈴鈴!」子文的電話響個不停,來電顯示著「熊」,子文按下了按聽
「喂?」

「喂!呀文 你知唔知聽日我地班有新同學呀!!」

子文覺得無咩大不了
「好小事啫,It is not something big deal.」



電話的另一邊卻說
「咩小事呀,聽今日補課啲F5講,係個靚女嚟㗎!」
「你啲出pool chance嚟啦,唔好再頹落去啦!」

「聽日先算啦,可能因為同人咩過先轉嚟我地學校」

「唉!你份人真係...by the way今日生意點?我接咗一支機場𣄃!」

「我做咗一支𣄃咋,不過著燈🤭」



「嘩!你咁好彩?喂喂!唔傾住啦我去陪女啦!bye」
子文嗯了一聲便掛斷電話

到咗第二日,子文見到好多同學都好早返到學校
望一望隻表 7點30然後說
「嘩!今日交易所咁早開市呀」

阿熊也剛好到達班房說
「一個二個返嚟𥄫女,廢!」



班上有一位同學回應
「熊哥,你估個個肥仔都好似你咁有女咩」
熊笑了一下,然後回到坐位

子文回到座位上,從書包拿出功課
「Oscar,做咗Physics未?」

「做咗啦,係喎琴日生意點?」

子文回答
「一支燈」

「唔錯啦,我琴日觀繞塞咗半日,賺得果幾百」
Oscar身形微肥,圓鼓鼓的,份人好正,玩得起


-------------
「叮噹叮噹」
只見班主任帶著一位女同學進入班房,子文因坐在最後排,並沒有留意到女同學進來,當男同學們都開始尖叫時,子文見到一個大約160身高,身材玲瓏有致,樣貌更是傾國傾城
班主任說
「各位同學請起立,依一位係從XXXXXX中學轉來我們4C的林曉雪同學」

曉雪向同學說
「大家好呀!我係林曉雪,英文名係Alexandra,大家可以叫我曉雪或者Alex都得」

然後班主任對曉雪指一指班房右邊最後排的位置
子文看著曉雪由黑板前面,走到身旁的空位,拉開椅子坐下
曉雪率先開口
「Hi 我係林曉雪」
子文「嗯」了一聲,沒有回應



「喂!你唔諗住講你個名比我知㗎?」
子文把頭另過來,說
「錫我一啖同你講」

「想下好!」
「咁你繼續估下我叫咩名啦」
然後,子文攞部電話出嚟繼續睇Netflix

一會兒後,班主任叫同學交電話,子文將部電話擺喺櫃桶,攞部舊電話去交,回到坐位後,只見曉雪攞住子文部電話繼續睇Netflix,子文完全沒有任何意思去拿回電話,只問
「啱啱有無人搵我?」

曉雪表示沒有,之後子文離開坐位去搵老師
曉雪十分之納悶,心諗
「佢係咪唔知將部電話交比女仔好危險㗎...」
「睇下佢啲WhatsApp先」


一打開只到有無數過不讀不回的對話,
「都無同啲女既對話ga?」

然後,曉雪偷偷地打個電話比自己,去攞子文號碼,此時子文剛好回來,班主任說
「葉子文,快返嚟啱晒啦,你順便帶新同學適應下環境O唔OK?記得唔好mean爆人地呀!」
子文留咗一滴冷汗😓
「都得既...」

班主任說話既聲量足以令全班同聽到

「原來你叫葉子文...」

子文再次返到位,曉雪說
「係咪今日放學帶我行學校?」



子文說
「唔得閒呀我」
「今晚要返工」

曉雪對著子文扁嘴
子文用好嚴肅既方式說
「唔好對住我扭計」
-------------
呀熊、Oscar同埋子文都係出名既320部隊,
一打鐘就會即刻走人

孫凱恩,係呀熊既女朋友,曉雪好姊妹,個樣都唔差,曉雪第一眼見到佢就知會同佢一拍即合

曉雪問
「做咩佢三個好似好講時間咁既?」

恩說
「好似佢地要返工」

曉雪又問
「佢地返咩工㗎,同埋葉子文份人點㗎?」

恩說
「我真係唔知佢地返咩工,只係知佢地返果啲唔係正常學生返既工,至於葉子文...你就真係勁啦,佢都頹咗半年啦,佢依半年來都冇咩點同女仔講野,因為佢同ex分手依件事對佢好大打擊...」

曉雪擺出一副若有所思的樣子離開學校...
-------------
當天晚上,oscar同呀熊不斷係Zello討論子文
熊說「葉子文 有女了」
Oscar咐和「咪係囉,條女約你放學行學校都say no」

子文反駁「收當啦,一睇就知A唔知幾多次,不了」
之後佢地又傾咗啲無謂野

子文拉起手制,等待緊轉綠燈,WhatsApp突然出現咗個陌生既聯絡人
「雪❄️☃️ 8:52pm
你好呀 」

子文望咗一望
「邊個_嚟㗎?」

子文按下說話按鍵
「喂喂喂!邊個wts 叫雪,之後有個雪花同雪人嘅emoji ?」

Oscar同呀熊都表示唔知道
當子文仲諗緊果個係邊個嘅時候,又收到個wts

「扮忙不讀不回!正賤人!🙁」

子文覺得勁莫明奇妙
「你都痴_線既」

正諗住回覆既時候,看見前面有人向他揮手,便放下手機,向前駛去,久而久之都唔記得咗件事

去到第二日,子文返到班房,曉雪抽高佢件冷衫,一下滅落去佢手臂度
「不讀不回正賤人!」
-------------
[email protected]_chiman
已有 0 人追稿