淩晨兩點,子文終於返到屋企,將收銀盤同的士證放咗係枱面
「唉~點解其他人有屋企比零用錢,我就要出去搏殺...」

子文將衫褲放入洗衣機...
啲動漫,通常都將一個人住寫得好美妙,好浪漫
子文一直都諗唔明,男主係未遇到條女之前要點樣過...

同樣時間,曉雪就係屋企訓係張床,睇NETFLIX
係喎,要提下佢聽日睇戲喎



叮...
「林曉雪 2:15AM
記得聽日十點,旺角地鐵站呀!」
係喎...聽日又唔知要洗幾多錢啦...

第二朝起身,子文同曉雪都各自沖咗過涼先出門口
今日有啲熱,子文著咗件T 然後搭件hoodie係膊頭


曉雪收到個wts


「賤文 8:16AM
你帶袋? 」
一睇就知要幫你拎野啦...
-------------
曉雪係旺角站等緊子文
賤人又遲到...

一把聲音從後傳出
「你化咗妝呀?」



曉雪都未轉身,子文隻手已經係咁卒佢塊面
「仲唔卒花你個妝?哈哈!」

「喂呀!痛呀!」

子文無理會曉雪既說話
一陣之後,子文發現隻手除咗水之外咩都無,
又發現曉雪好似無咗反應,抬頭一望
只見曉雪隻眼紅矖

Shit!大鑊!

子文即刻攞張紙巾幫曉雪抹眼淚
「乖啦,唔好喊啦!今日聽矖你話啦!」



曉雪用帶淚既聲線講
「真...真係聽我話?」

依個咁既moment點都講Yes啦

曉雪心諗
睇嚟眼淚依招幾有用喎

「話說我唔鐘意啲男仔紮頭髮」

「但係依家紮咗,放咗就會散9曬喎」
「娘娘係咪想同個頭髮散曬既毒L出街先?」

曉雪笑住咁講
「咁就算啦!行啦!」


-------------
去到電影院,見到周圍都係情侶
子文就話
「頂呀?周圍都係情侶既?」

「咁依套戲最啱情侶睇呀嘛」

「咁不如我地都拖下手啦?」
子文伸手諗住拖曉雪隻手,點知比曉雪一下打落嚟

曉雪微笑
「想拖本小姐隻手?想下好啦☺️」

抽唔到水添...
「唔係呀...我係為你好咋」


「周圍啲人望住我地,會覺得係娘娘同兵睇戲」

咁啱隔離有對情侶係度咬耳仔
「你睇下,佢地好明明顯就係度講緊你friend zone我啦」

曉雪笑咗下
「成口歪理」

入到去裹面,有一個劇情係主角比敵人追殺
子文拍一拍曉雪膊頭,好細聲講
「知唔知點解我入田徑隊」

曉雪拎轉過頭望住子文
「唔知喎...」



「依個就係我平時係學校比你啲兵追殺既situation」

曉雪好大力咁搣子文隻手
「都話咗無收兵囉」☺️

左手被人搣緊既同時,子文彎低身,搣咗曉雪小腿一下
曉雪面對突如其來既襲擊,唔小心嗌咗出嚟
「喂!?」

子文即刻伸手掩住曉雪把口
「Sh......係咪痴咗線呀」

曉雪好無奈...被人抽水係佢,錯既又係佢😟
-------------
出到去出面,佢地討論緊啲劇情
曉雪講
「我覺得幾好睇呀...」

「啱呀!仲好寫實添」

曉雪踢咗子文腳一下

突然,有個職員走過嚟
「你好呀!我地有情侶即影即有服務呀!請問你地係咪情侶呀?」
子文心諗...
咁撚攪笑?😂睇完戲影相?
唔係喎!又有機會玩9佢啦喎

子文對住個職員講
「We just frie...」

講到一半就比曉雪打斷咗
「Sure!」

「好呀,咁請過嚟依邊!」

What?

子文雙手插袋,曉雪就繞住子文隻手

「準備!三二一!笑」

攞完張相之後,佢地兩個都張張相,放係銀包
曉雪話
「唔好比我發現張相唔見咗呀」

「唔洗擔心,張相今日會仲係我銀包😛」

「總之keep住佢啦,我會check㗎!」

「咁...去食野?」

「好」

子文突然諗起一件事
「咁你今日到底有無化妝?」

「你今朝都卒唔到嘢落嚟」
「咪即係冇囉」
「淨係搽咗指甲油咋」

「指甲油?我都有搽喎!」
「不過我搽咗係隻腳度」
「最衰今日唔係着拖鞋,你睇唔到」
子文可惜咁講...
-------------
[email protected]_chiman
https://www.facebook.com/hoxton924/
已有 0 人追稿